Buah Simalokamo

Si Atai sadang asik ba koa katiko si Buyuang tibo di lapau.
“Eh, waang Yuang. Dak mangaji ang?”, tanyo si Atai sambia mancabuik karateh kuniang tu.
“Alah sudah Om. Itu main a namo e tu Om?”
“Iko namo e main koa. Baa ka baraja lo ang dak! Duduak siko paratian Om main!”, kecek si Atai sambia barinsuik maagiah tampek untuak duduak si Buyuang.
“Baa kok samo jo bantuak karateh e sado e ko Om? Paniang den mancaliak jadi e!”
“Bantuaknyo iyo ampia sarupo, tapi indak samo. Main nyo dak sarik gai doh Yuang. Manyamoan ragi karateh jo nyoh. Ang paratian jo lah, beko mangarati sorang jo ang tu!”
Iyolah diparatian dek si Buyuang ko si Atai ba koa. Dak bara lamo sudah tu kaniang si Atai tampak manggarinyik,
“Ondeh kama lah ka dicokian rancak ko ha. Nan iko karateh mandan, nan ciek lai karateh abih, tingga sahalai dibawah lai nyoh. Iyo kamari bedo den komah, cando makan buah simalokamo!”, gumam si Atai surang, tapi tadanga dek si Buyuang.
“Buah simalokamo? Buah apo tu Om?”, tanyo si Buyuang ka si Atai.
“Itu samacam istilah, karano paniang mamiliah. Dimakan ayah mati, kalau indak dimakan induak mati”, jawek si Atai manjalehan.
Si Buyuang tadiam sabanta sambia mambayangan bantuak buah simalokamo tu.
“Dima ado urang manjua buah simalokamo tu tu Om?”
“Manjua baa kecek ang ko Yuang! Kan lah Om sabuik tadi mah, itu Cuma istilah”
“Indak, kok lai ado urang nan manjua, den nio mambali nyo!”
“Mambali baa makasuik ang ko Yuang?”, tanyo si Atai penasaran sambia manonoh kopi.
“Iyo den nio mambali, den makan sudah tu buliah tau den sia abak den sabana e!”
“Huuffftttt!”, tasadak si Atai mandanga kecek si Buyuang.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s