Sarugo di Bawak Tapak Kaki Ibu

Sasudah salasai mangaji malam tu, si Buyuang di sasek dek garin surau..
“Yuang sampai bilo ang dak pulang ka rumah ko? Ibo lah samo amak ang tu.. Ampia tiok hari ang ditanyoan nyo ka Buya!”
“Den dak ka pulang sabalun amak maagiah tau sia abak den sabana e!”, Buyuang manjawek jo sakik hati e.
“Yuang, malawan ka urang tuo tu, karajo nan dibanci dek Allah mah. Dak takana kaji nan Buya ajaan lai, bahaso sarugo tu talatak di bawah tapak kaki ibu!”, garin tu masih jo taruih bausaho mambujuak si Buyuang supayo namuh pulang.
Si Buyuang tadiam sabanta, seakan-akan bapikia kareh maingek-ingek sesuatu. Ado nan talinteh di kapalonyo nan lah lupo-lupo ingek
“Buya kini takana dek den liak, dulu rasonyo abak Badu pernah mangecek ka den bahaso kalau nio masuak sarugo tu maambuih balon amak supayo bisa tabang ka sarugo. Indak maidu tapak kaki amak doh!”, jawek si Buyuang.
Garin ko tadiam, mancari kato-kato nan tapek untuak anak saumua Buyuang ko.
“Makasuik sarugo di bawah tapak kaki ibu tu bukan maidu tapak kaki amak atau maambuih balon amak Yuang. Tapi dak buliah malawan ka amak ang tu. Tamasuak harus patuah kalau inyo manyuruah ang pulang!”, jawek garin ko diplomatis.
“Apokah satiok ibu punyo sarugo di bawah tapak kaki e Buya?”, tanyo Buyuang ka garin ko
“Artinyo satiok anak nan patuah ka induaknyo, akan mandapek sarugo!”
“Kalau bitu bialah den masuak sarugo amak nan mandi di tapi batang aia tadi sore!”
“Makasuik ang baa ko Yuang?” tanyo garin ko penasaran.
“Kaki amak nan mandi tadi tu ancak Buya, mulus dak samo jo amak den doh, ratak-ratak. Baun lauak tukai lo tulai…. Kok dak picayo buya, wak intaian bisuak sore baa nyoh?”

1 Comment

  1. Eheheh….sibuyuang ele mah…..garin nyo ajak mancibuak..

    Tapi benar yg dikatoan garin sarugo tu dibawah kaki induak.


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s