Tangan Kida Gata-gata

“Buya , tangan kida den ko gata-gata jo dari tadi ha! Kecek urang itu tando ka manarimo rasaki, iyo tu Buya?”, tanyo si Buyuang ka garin.
“Jan ang picayo lo tu. Tahyul tumah. Agamo awak dak ado maajaan kapicayoan nan mode tu doh!”, jawek garin manjalehan ka si Buyuang.
“Tapi banyak urang gaek wak dikampuang ko nan picayo mode tu mah Buya. Patang ko den danga di lapau ado urang nan mangecek mode ko ha. Lah gata-gata lo tangan kida den kini ko, ka manarimo rasaki den bantuak nyo komah, kecek urang tu Buya”
“Itu kapicayoan nenek moyang awak sabalun Islam masuak ka nagari awak ko. Sajak Islam masuak kapicayoan nan mode tu dilarang karano itu samo jo siriak. Narako jahanam tantangan e tu”.
Si Buyuang maangguak mandanga panjalasan garin nan sakaligus guru mangaji nyo. Sore salapeh sumbayang ashar, anak-anak bakumpua dihalaman surau bamain-main. Sore ko mereka sapakaik main cak bur, tamasuak si Buyuang di dalamnyo. Sanang bana ati anak-anak ko, karano permainan ko bisa dimainan dek anak laki-laki jo padusi sekaligus. Katiko sadang asik bamain ado kejadian nan mambuek permainan ko baranti. Tibo-tibo ado surang anak padusi manangih,
“Dek a kau manangih Piak?”, tanyo garin ka anak padusi tu.
“Si Buyuang jaek Buya!”
“Jaek baa?”
“Direseknyo dado den”
Langsuang lah garin maegang si Buyuang
“Baa dek ang resek dadonyo Yuang. Inyo ko padusi. Bagian nan ang resek tu adolah bagian nan sensitif untuak kaum padusi tu”.
“Dak singajo doh Buya. Namo e jo main cak bur, tantu den bausaho manjangkau urang nan kalewaik di garih nan den jago ko. Kebetulan wakatu inyo lewaik den semba, takakok dado e!”
“Jan ang ulang jo bisuak lai ndak!”
“Indak Buya. O iyo Buya, den mangakok e jo tangan kida tadi mah Buya. Babeda perasaan den raso e tadi tu mah. Ado samacam raso-raso lasuah Buya. Den raso dak tahyul gai tangan kida gata-gata tu doh Buya, komah contoh e den dapek rasaki!”
Alun sempat si Buyuang manyalasaian kalimaiknyo lai, talingo e lah kanai jinjiang dek garin tu.

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s