Bareh Duo Tekong Susu

“Yuang, jan lupo beko malam baok bareh duo tekong susu yo! Iko lah duo minggu ang talaik mah!”, parintah garin ka si Buyuang untuak mambayia uang mangaji.

“Jadih Buya!”

Sajak si Buyuang basunaik inyo lah namuah pulang ka rumah. Amaknyo dak mampamasalahan bana dima nyo ka lalok nan pantiang inyo dak baganyi jo lai namuah pulang. Sajak itu pulo makonyo garin mambabani si Buyuang untuak mambayia uang mangaji bareh duo tekong susu sabulan.

Tibo di rumah si Buyuang langsuang mandudu ka dapua mancari bareh

“Eeeh, ado a ko Yuang! Mandudu jo masuak rumah dak baco salam gai!”, Sasek Amak si Buyuang

“Buyuang lah talaik duo minggu bayia uang mangaji mak. Dima latak bareh mak?”

“Iyo indak bataratik ang ko mah Yuang. Alah masuak rumah indak baco salam, indak pulo batanyo baa keadaan amak. Baso basi gai lah gak sangenek. Bareh nan dikaruang balang ang ambiak yo! Nan dikaruang ngenek-ngenek tu ka Amak jua bisuak mah!”

“Ma tekong e ko mak?”

“Cari jo lah sorang, paniang den mancaliak ang ko mah!”

Lah kasak kusuak jo si Buyuang ko mancari tekong bareh. Diusai nyo isi dapua, sahinggo buncah dapua tu takah kapa pacah.

Malamnyo sasudah salasai mangaji, ditanyo baliak si Buyuang ko dek garin,

“Baa Yuang, lai ang baok bareh tu?”

“Lai Buya. Sabanta den ambiak an lu!”

Si Buyuang bagageh kalua surau. Dak lamo sudah tu mancogok lah nyo maonyokan uang mangaji ka garin

“Iko Buya. Kan lai cukuik tu dak?” kecek si Buyuang ka garin

“Baa kok mode ko ang baok ko Yuang?”

“Apo nan salah Buya?”

“Kecek Buya kan duo tekong susu. Iko baa maetong e ko?”, geleang-geleng garin mancaliak parangai si Buyuang.

“Kan samo jo nyoh tu Buya. Duo tekong susu kan samo jo iko nyoh mah. Samo-samo tampek latak susu”, si Buyuang baalasan.

“Tu beko kok ka ilangan kutang amak ang, tantu Buya nan kanai salahan!”..

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s