Nabi Isa

Sasudah salasai mangaji, garin bakaba 25 nabi jo rasul. Baliau bakaba tantang baa caro mereka tu manyebarkan siar Islam ka saluruah nagari. Dak tatingga jo sekalian mukjizat nan diagiahan tuhan ka nabi jo rasul ko. Anak-anak tamanuang mandanga kaba dari garin tamasuak si Buyuang.

“Awak lai bisa takah nabi jo rasul tu tu Buya?” tanyo si Buyuang.

“Ma lo bisa. Karano nan punyo mukjizat hanyo nabi jo rasul sajo. Kini ko dak ado lai, karano rasul nan terakhir adolah nabi Muhammad SAW!”, jawek garin manjalehan ka anak-anak sadonyo.

“Tapi iduik den ko takah nabi Isa, Buya!”, potong si Buyuang

“Takah nabi Isa baa kecek ang ko Yuang?”

“Baa ka indak samo dek Buya. Tadi Buya mangecek an nabi Isa dak ado ayah nyo doh. Aden coitu lo. Dak samo dek Buya tu?”

“Dima latak samo nyo Buyuang. Nabi Isa memang bana-bana dak punyo ayah, sadangkan waang lai ado ba ayah. Cuma waang sajo nan alun tau sia ayah ang tu!”

“Sia ayah den Buya?” tanyo Buyuang penasaran.

“Ma tau Buya, tanyo lah ka Amak ang Yuang!”

“Dak tua, kalau den tanyo dak sorang jo nan namuah maagiah tau doh. Den raso sabananyo iyo waden ko mode nabi Isa ko mah!” kecek si Buyuang jo kareh atinyo.

“Kok iyo waang mode nabi Isa, co cubo kaluaan mantimun dari dalam paruik bumi ko!”, salo si Bigau manantang si Buyuang.

Tadiam si Buyuang ko sabanta,

“Agiah den wakatu tigo ari dih Gau!”

“Kalau mode tu dak nabi ang tu doh. Nabi Isa jo sakutiko bisa maiduikan urang mati!”, kecek si Bigau mamatahan pangana si Buyuang.

“Dalang ang Gau, sadang Tuhan jo sabulan  manumbuahan mantimun tu!”.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s