Tukang Ameh

“Oi Yuang, lah cegak luko di kapalo ang?”, tanyo si Atai ka si Buyuang nan kebetulan lewat di muko lapau tampek si Atai duduak.

“Alah Om!”

“Kamarilah ang Yuang. Iko ado goreang angek-angek ha, Om traktir ko!”

Tanpa baso basi, langsuang si Buyuang manamui si Atai karano manuruik si Buyuang dak ado doa panulak rasaki doh. Sadang lamak-lamak makan goreang tu lewaik si Syukur nan baru pulang dari rantau. Mancaliak si Atai duduak di lapau, langsuang oto si Syukur ko baranti,

“Oi Tai. Lamak na ota nampak e mah!”, sorak si Syukur dari dalam otonyo.

“Lah gagah kawan kini yo. Ba oto rancak gai kini nampak e mah. Singgah gai lah lu, maota lamak kito!” baso si Atai ka kawan lamo nyo tu.

“Sabanta dih, den tamui lah  rang gaek den lu, beko salapeh Isya den ka lapau. Jan kama-kama lo ang dak Tai. Bakoa kito beko!”, jawek si Syukur sambia malanjuikan parjalanan ka rumah rang gaeknyo.

“Sia tu Om?”, tanyo si Buyuang ka si Atai.

“Kawan sapamainan Om dulu mah. Lah lamo kami dak basobok. Inyo marantau ka Jambi, lah labiah 5 tahun dak pulang. Iko baru mancogok. Lah kayo nyo kini nampak e!”

“A karajo Om Syukur tu di Jambi Om?”

“Kalau dak salah jadi tukang ameh nyo disinan!”

Si Buyuang mangguak-angguak mandanga jawek si Atai. Antah apo nan diangguak an nyo tu kolah,

“Oooo, kayo wak kalau jadi tukang ameh ko mah yo Om!”

“Tu mah bantuak e si Syukur. Baoto gagah nyo pulang dari rantau. Rato-rato iyo bapitih pareman nan karajo tukang ameh tu tumah! Sabuik lah sia nak nyo, si Al, si Ril, Si Man, bi kayo sado e. Waden jo nan dak namuah jadi tukang ameh tu nyoh karano dak manangkok utak den ko doh!”

“Apolo nan ka sarik jadi tukang ameh tu tu Om!”

“Maetong jo manimbang nan aluih-aluih tu sakik kapalo den!”

“Dak ado gai maetong doh Om. Waden acok disuruah amak den jadi tukang ameh tu tumah. Lasuah jo den karajoan nyoh, dak maetong-etong gai doh!”

“Disuruah amak ang baa mukasuik ang ko?”, tanyo si Atai penasaran.

“Iyo kalau nyo ka manggulai di suruah nyo den jadi tukang ameh tu tumah!”

“Eeee kalera. Itu ma ameh santan namo e tu Yuang!”, kanai cekuih kapalo si Buyuang dek si Atai ciek.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s