Doa Mimpi

Si Bigau jo si To’o lah asik jo baduo antah apo nan digalak an nyo. Pareman ko babisiak-bisiak sambiak galak mangikiak di suduik surau. Dek penasaran di turuiknyo lah dek si Buyuang pareman baduo tu,

“Oi apo nan kalian galak an tu. Manggalak an den ang yo Gau!”, kecek si Buyuang manuduah si Bigau.

“Maraso se ang mah Yuang. Dak ado apo-apo gai doh!”

“Kok dak ado apo-apo, manga ang galak mangikiak mancaliak jo ka den?”, samakin penasaran si Buyuang jadinyo.

“Kamarilah ang, tapi janji jan sampai tau Buya dak!”

“Apo tu?”, didakek i nyo si Bigau sambia malepok lo dilantai.

“Iko ha, si To’o dapek ilimu paten dari udanyo. Tapi jan eboh bana tadanga dek Buya beko!”

“Ilimu apo tu?”

“Iko Yuang a. Iko ilimu mimpi namoe. Kalau wak bacoan doa ko, awak bisa bamimpi jo cewek nan wak kandak an!” si To’o mulai manjalehan ka si Buyuang.

“Apo lo seronyo tu!”, kileh si Buyuang.

“Eeee. Indak tau ang ko mah Yuang. O iyo, takana di den ang kan suko samo si Upiak mah. Tapi ang kan dak talok mandakek i nyo doh, paliang caliak-caliak jauah se. Nah, kalau jo mimpi ko ang bisa maresek bahkan manciumnyo!”

“Yo kan dalam mimpi jo nyoh, indak sabana e doh!”, malu-malu cangok gaya si Buyuang sakali ko.

“Urang nan wak tuju tu maraso lo mah Yuang. Kok dak picayo ang, sudah ang bacoan doa nyo malam kini ko, bisuak paginyo ang tamui si Upiak tu, pasti nyo malu-malu mah!”

“Lai sabana e tu?”, mulai masuak umpan si To’o takah e ka si Buyuang ko.

“Kalau nio tau batua indak nyo tantu wak cuboan. Baa manuruik ang tu Gau?”,mulai si To’o mangode si Bigau sambia manaiak an alih matonyo.

“Molah kito cubo!”, baleh si Bigau

“Tapi baa caro nyo?” tanyo si Buyuang.

“Mode ko Yuang a. Tulih namo awak jo cewek nan dituju di ateh karateh rokok. Lipek karateh tu, limpik an namo awak jo cewek tu. namo awak di ateh, namo inyo di bawah. Sudah tu lilik an di jari manih tangan kida, kabek jo banang tiga bagai. Tu ka lalok latak an tangan kida tu di bawah kapalo sambia mambaco doa ko: ‘fakub kibu fihahum walghawun wajunudu iblisa ajmaun’. Jan lupo bayangan wajah cewek tu!”

“Yo lai mangkuih tu?”, tanyo si Buyuang penasaran.

“Kecek uda den lai, inyo nan alah mancubo!”, jawek si To’o.

Bisuak paginyo manjalang sumbayang subuah si To’o jo si Bigau lah tajago sambia sanyun-sanyun manih.

“Yo bana paten ilimu uda ang tu To’o. Waden mimpi lamak jo si Isah tadi malam. Pueh den pabagai-bagaian nyo”, kecek si Bigau.

“Waden mode tu lo Gau. Beko den cigok si Daih ciek lu, nio mamastian!”

“O iyo, si Buyuang ma nyo? Wak tanyo lo baa mimpinyo jo si Upiak!”, kecek si To’o ka si Bigau.

Di suduik surau si Buyuang masih juo bagaluang bantuak ula. Katiko dijagoan dek kawannyo nan baduo tu, nyo hantok se bantuak urang mati.

“Oi Yuang, jago lah ang lai! Jan dek talamak bamimpi tu dak namuah se ang jago lai!”, si Bigau manjagoan sambia manyipak si Buyuang tu.

Dek dak amuah jago, curiga lah garin mancaliak parangai anak didiak nyo tu. Di dakek i nyo pareman tu,

“Oi Yuang, baa alun juo jago lai. Iko lah dakek ka subuah mah! Duduak lah ang lai, ambiak uduak ka bawah buliah sumbayang bajamaah wak lai!”, di guliaknyo badan si Buyuang dek garin tu.

Ruponyo si Buyuang ko alah tajago tapi takuik duduak. Tantu iyo payah manjagoan urang jago. Katiko badan si Buyuang lah maadok ka arah garin manyaruok baun nan manyanga,

“Ondeeeh Yuang, kajamban dalam sarawa ang ruponyo yo. Patuik lah hantok jo ang dijagoan urang. Baa kok baparangai ang kini ko? Dak pernah-pernahnyo ang buek takah iko ko doh!”, kecek garin ka si Buyuang.

“A…aaaanu mah Buya!”

“Anu apo ko, jaleh-jaleh mangecek tu!”

“Waden ditunjuak an nyo dek si To’o doa bamimpi tadi malam. Tu den cuboan, kironyo takapa-kapa den jadi e. Komah basah sawa den!”, sambia dicaliaknyo kawan nan baduo tu nan mulai cameh mandanga jawaban si Buyuang ka garin.

“Doa apo tu?”, tanyo garin

Dak ado surang juo nan talok manjawek tanyo garin tu doh.

“Kalau indak ado nan manjawek, Buya kabek ka tigonyo di batang karambia nan bakaranggo!”, garin maulai maancam pareman nan batigo ko.

“Doa fakub kibu Buya!”, jawek si To’o agak takuik-takuik…

“Oooo lah dapek lo dek kalian doa tu mah yo. Kini kalian batigo Buya hukum. Sado lapiak nan basah dek kajamban si Buyuang kalian barasiahan batigo. Tu waang Yuang, pel lantainyo sakali!”.

Langsuang basudu-sudu pareman batigo tu manuruik i parintah garin.

3 Comments

  1. awak wakatu abg dulu ado lo mode tu mah tapi ndah mangkuih doh. masalah e namo artis nan ba buek.

  2. apo sambung doa wajidu fakut kibu thu angku2

  3. Ko lwak ado lo crito ma..


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s