Mundur Taruih

Hari ko urang kampuang tangah sadang eboh, dek karano acara maangkek datuak nan dak kunjuang salasai rundiangannyo. Hampia sado urang kampuang bakumpua dikatua KAN, nio mandanga baa kaputusan nan baambiak jadinyo.

Kisah ko bamulo, ado surang dari suku Sikumbang nan nio dirinyo diangkek manjadi datuak. Usuik punyo usuik baliau ko nak mancalonan diri manjadi anggota dewan. Nan jadi masalah, sabagian niniak mamak indak satuju paja ko di agiah gala kebanggaan urang Sikumbang tu doh, Datuak Basa Batuah. Alasan partamo adolah, baliau tu lah gadang di rantau indak jaleh baa keadaan kampuang ko nan sabananyo. Nan kaduo indak ciek alah juo hasia karya atau buah pikianyo dalam mamajuan kampuang ko doh. Samato dari nan saparuik dari baliau sajo nan basikareh untuak maangkeknyo jadi datuak.

Dari rundiangan nan samakin marunciang antaro pihak nan satuju jo pihak nan indak satuju tu talinteh kalimaik “Indak baa awak mundur salangkah demi maju saribu langkah”.

Si Buyuang nan mamparatian dari tadi manculiak garin nan tagak disabalahnyo.

“Apo mukasuik mundur salangkah demi maju saribu langkah tu Buya!”, tanyo si Buyuang ka garin ko.

“Mukasuiknyo bia lah wak mangalah saketek demi mamajuan kampuang kito dikamudian hari”, jawek garin.

“Baa kok bisa mode tu lo tu Buya!”

“Mungkin pandapek dari nan saparuik jo baliau nan ka diangkek datuak tu mode ko mah, agiahan sajo lah gala tu. Bisuak kalau inyo tapiliah jadi anggota dewan kan kampuang awak juo nan ka bangga. Salain tu bisa lo diparancak jalan kampuang awak nan lah banyak lubang ko!”

Maangguak-angguak si Buyuang mandanga panjalasan Buya.

“Iyo kok berhasil tapiliah, kok indak baa Buya?”

“Indak jaleh lo di Buya tu doh, danga sajo lah keputusan mamak-mamak nan ado ko. Salasai dek baliau tu mah!”.

Indak sanang pangana si Buyuang mandanga jawek dari garin takah tu doh.

“Kalau mode tu ancak mudur taruih jo lai Buya, jaleh hasianyo!”, si Buyuang bapandapek.

“Mundur taruih baa mukasuik ang ko Yuang?”, tanyo garin jo herannyo.

“Iyo mundur taruih. Amak den mananam padi mundur taruih jo mah, dak ado gai maju doh. Tigo bulan sudah tu jaleh hasianyo, bakaruang-karuang padi kalua dari sawahnyo!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s