Kepeang Manih

“Pai mancari kepeang manih wak lah Du?”, ajak si Andi ka kawannyo ko.

“Kepeang manih ko a ko?”, baliak batanyo si Badu ko.

“Ikuik se lah ang jo den, beko tau surang se ang mah!”

Bajalanlah duo urang sahabaik ko maongkok-ongkok ka kampus nan di balakang kadai si Andi. Si Badu masih binguang, mancari kepeang ka kampus malah sore manjalang sanjo ko. Dalam pangana si Badu kalau hari lah sore ko, pasti kampus lah langang karano mahasiswa lah bi pulang sadonyo. Nan kaduo nan mambuek binguang adolah mereka ko pai malenggang sajo, dak ado baok apo-apo. Jaleh lo pai manggaleh tantu ado nan di galeh.

Sasampai di kampus, ruponyo masih banyak mahasiswa nan bakumpua. Ado nan olah raga ado nan sekedar jalan-jalan sore dan nan paliang banyak adolah mahasiswa nan pacaran. Nan pacaran ko manyeba tampeknyo, bantuak lah ado lo daerah teritorial nan dibueknyo, sahinggo tiok suduik kampus ado sajo tasirobok pasangan-pasangan tu.

“Iko lahan awak ko Du!”

“Nan ma ko?”, tanyo si Badu nan masih binguang apo karajo nan sabananyo.

“Nan jaleh ang ikuik sajo den dih! Jan banyak tanyo, tarimo barasiah sajo lah ang kepeangnyo beko!”, parintah si Andi ka si Badu.

Si Badu nan patuah iyolah maikua-ikua di balakang si Andi. Dikusainyo kampus tu sabalik, mulai dari tampek nan rami sampai tampek nan indak baurang. Si Andi maatur posisi nan lasuauh untuak bakarajo.

“Duduak jo lah wak disiko malakik ado mangsa Du!”

Dimuko mereka ko ado sagarombolan mahasiswa nan main bola di taman kampus nan indak baitu laweh. Si Badu masih bapikia, dari ma lo kolah kepeang nan didapek kalau cuma manonton mahasiswa main bola. Samakin sore lah mandakek sanjo, permainan makin angek. Mereka lah mulai main kasa tapi lai dak sampai bacakak doh. Kutiko ado surang nan mambaok cerek barisi aia teh es, mako langsuang baranti permainan tu. Bagaduru sado nan main bola tu mangaja aia teh es nan lah tibo di tapi lapangan.

“Pek lah Du, wak beraksi lai. Jan basuaro ang dak, ikuik i sajo den dari lakang!”

Ruponyo dibaliak karumunan urang rami tu ado bagunan nan agak tasuruak barupo jenjang darurat manuju lantai duo. Dari jauah jenjang tu bantuak dak pernah bapakai lai doh, lah nampak lumuik tumbuah ditapi-tapi jenjang nan tabuek dari ubin tu. Pintu di panghujuang jenjang di lantai duo tu tatuik rapek, dan bantuaknyo memang lah lamo dak tapakai, karano ado kuro-kuro bakarek nan lakek di pintu tu. Kutiko si Andi jo si Badu nan samakin dakek ka jenjang tu, langkah dipalambek sambia jalan bajinjik jo ujuang kaki. Saaik si Andi lah tibo dipatangahan janjang tu, tibo-tibo tagalenjek sapasang anak mudo di ujuang jenjang.

“Ancak kalian antok, daripado dipasokok an dek anak-anak nan baru salasai main bola tu ha!”, kecek si Andi maancam sapasang kekasih nan dak bisa manga-manga lai.

“Ampun da, awak dak manga-manga gai doh da!”, kecek nan laki-laki ka si Andi.

“Apo nan indak manga-manga! Baa kok sarawa ang alah tangga? Kau ciek, jilbab kau masih lakek tapi  baju kau lah lapeh! A nan kalian buek ko?”, si Andi makin dapek angin.

Si Badu nan mamparatian gaham si Andi dari tadi dak talok basuaro doh. Antah apo nan ado dikapalonyo nan jaleh aia liwua nyo lah mulai manitiak. Nan padusi mulai manangih sambia malakek an baliak baju nan alah tabukak tadi tu.

“Da, wak salasaian disiko jo lah da. Jan dipapanjang bana da!”, bujuak nan laki-laki ko ka si Andi.

“Mahasiswa ma ang?”

“Kami dak mahasiswa doh da, kebetulan lewaik sajo disiko tadi da!”, jawek nan laki-laki ko mambela diri.

Sarawa nan laki-laki tu alun samparono lakek lai, si Andi lah menyemba dompet nan tasumbua dari saku balakangnyo.

“Apo lo ang indak mahasiswa ko. Iko ado kartu mahasiswa ang a! Jan baduto jo ang lai, den baok ang ka satpam kampus ko!”, gertak si Andi sakali ko yo bana mambuek pasangan tu manggigia sajadinyo.

“Ambiak lah sado isi dompet den da, asa jan uda baok kami ka satpam. Ampun da, mambana den da, jan baok kami ka pos satpam da!”, nan laki-laki ko masih juo mambujuak si Andi sambia manangih. Si Andi lah salasai lo dek nyo mangarayangi dompet paja tu. Lah maraso tujuannyo tacapai, dilapehannyo lah pasangan tadi tu.

“Mode ko se lah, kalian baduo den lapehan, tapi kartu mahasiswa kalian baduo den tahan. Den laporan kalian ka dosen kalian bisuak!”, si Andi pai maninggaan pasangan tu sambia maegang tangan si Badu nan lah jadi patuang dari tadi.

“Oi, Du alah salasai. Pai wak lai!”

Si Badu tagalenjek mandanga parintah si Andi.

“Yo lasuah lo dak Ndi!”

“Apo nan lasuah? Mancari pitih atau mancaliak cewek tadi?”, tanyo si Andi ka si Badu nan sadang manyeka aia liwua nyo nan lah baleak.

“Kaduo-duonyo Ndi. Candu lapeh pitih dapek lo!”

“Iko nan namonyo kepeang manih tu. Tabik-tabik salero buruak ang dek e kan!”

“Bisuak lai ado jo lai tu Ndi?”, si Badu mulai tacandu jo kepeang manih ko.

“Pulang wak nan jaleh lu, bisuak-bisuak lo dietong nan jaleh wak foya-foya jo pitih motuih ibu ko lu!”..

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s