Honda Baru

Lah saminggu ko, Garin punyo honda baru. Sabananyo indak honda bukak karateh gai doh, tapi honda bakeh nan baru dibalinyo saminggu ko. Paratian baliau ka honda ko yo agak balabiah stek,maklumlah iko lo Garin tu punyo kendaraan nan nyo bali dari jariah payah salamo ko. Satiok pulang dari bajalan, honda ko dak lupo di lapnyo sampai jilah.

Patang ciek lai nampak dek si Buyuang Garin ko pai ka balai bajalan kaki indak mambaok honda doh. Katiko tu di sasek lah dek si Buyuang gurunyo ko,

“Baa dek bajalan kaki Buya ka balai? Rusak honda Buya?”

“Indak, hari hujan labek, beko kumuah lo honda Buya ko!”

Garin ko taruih bajalan maninggaan si Buyuang nan masih binguang jo jawek Garin tu.

Sapulang dari balai hari lah sore, hujan lah taduah pulo. Biasonyo garin langsuang mandi karano wakatu mugarik ka masuak lai. Tapi kini sajak ba honda baru ko, honda ko nan baresek dulu. Di lap pulo honda tu liak. Sadang asyik ma lap honda, tibo si Buyuang,

“Honda ko kan dak kalua gai tadi doh dak Buya! Raso den dak kumuah gai honda tu doh” salo si Buyuang

“Iyo, tapi nyo kan talatak jo saharian mah, tantu hinggok bagai abu. Kalau di padia an honda ba abu, capek puda cat nyo!” jawek Garin ko ka si Buyuang.

“Oooo, mode tu lo tu yoh Buya!” sabalun sampek di jawek dek Garin, si Buyuang lah pai ka batang aia untuak mambarasiahan badan.

Tiok malam ko, honda baru si Garin basalimuikan jo kain saruang lusuah, baitu pulo malam ko. Salapeh sumbayang Isya, lah asyik Garin manyalimuik an honda baru nyo ko.

“Alah tu Buya, lalok lah lai! Beko takalok lo jago subuah!” kecek si Buyuang.

“Iyo, lalok lah dulu, sabanta lai Buya salasai! O iyo, jan lupo salai ubek nyamuak beko dak Yuang! Banyak bana rangik kini ha, marasai wak beko malam dek nyo ko!”

Si Buyuang yo patuah jo parintah guru nyo tu. Tanpa mambantah, disalainyo ubek nyamuak duo galuang. Nan ciek dilatak an nyo dak jauah dari tampek nyo lalok. Nan ciek lai nyo latak an dakek honda Garin. Kabatulan garin ka baranjak lalok, batanyo lah baliau ka muriknyo ko,

“Baa dek disiko ang latak an ubek nyamuak Yuang? Dakek wak lalok biaso nah!”

“Alah tu Buya, nan iko untuak honda Buya!”

“Baa kecek ang?”, mulai agak tasingguang Garin ko.

“Kecek Buya kini nyamuak sadang banyak, makonyo den salai an ubek nyamuak untuak honda buya, buliah lamak lalok nyo dak!”

Langsuang nyo pinteh kecek si Buyuang ko,

“Ang cimeeh an den yo!” nyo jinjiang talingo si Buyuang dek Garin ko.

“Ampun Buya… ampun… apo salah den!!!….

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s