Pemerintah jo Baghuak Gadang

Salapeh sumbayang Isya, urang bi bakumpua di lapau subalah surau. Rami pado nan taralah, karano beko jam sapuluah ado pengumuman dari pemerintah bahaso minyak ka naiak. Si Buyuang lah sato lo manonggok di antaro urang nan rami tu. Antah a nan diotaan urang dak ngarati gai nyo tu doh, tapi dek urang rami nyo lah sato lo.

“Baa dek rami na lapau malam ko ko mak?” sapo si Buyuang ka salah surang urang nan dudak di lapau.

“Kaba e, beko ado pengumuman minyak ka naiak?”, jawek baliau ko singkek.

“Tu kalau naiak minyak baa tu mak?” tambah mangkatutuih tanyo si Buyuang ko.

“Baa baa kecek ang pulo. Tambah payah nah wak iduik lai. Kalau lah naiak minyak, sado harago sato lo ka naiak mah, ditambah lo hari ka puaso!”, mulai tinggi suaro gaek ko.

“Dak mangarati den kecek Mak tu doh! Tambah paniang den mandanga e!”

“Kok dak mangarati ancak antok ang lai. Danga se lah isuak!”

“Kok antok den tando mangarati den tu mah. Kecek Buya di surau sia nan indak mangarati buliah batanyo. Mako e den tanyo an ka mak tadi tu mah!”

“Gggrhhh…” manggaritih gaek ko jadi e. Nyo hantok se lai sambia mambulalangan si Buyuang.

Nan ditunggu-tunggu akhia nyo tibo juo. Pemerintah resmi maumuman harago baru minyak ko. Baragam pandapek nan kalua salapeh mandanga pengumuman tu.

“Yo baghuak gadang pemerintah ko komah. Dak ditenggang nyo gai rakyaik badarai cando awak ko doh. Paniang….paniang…!” salah urang maupek diantaro suaro sumbang nan kalua.

“Lai sagadang baghuak den Jo?”, saisi lapau tabasuik galak mandanga jawek mak Usuih ko.

“Buliah den batanyo liak Mak?” salo si Buyuang.

“A nan ka ang tanyoan Yuang?, jawek mak Usuih.

“Tadanga dek den tadi, pemerintah ko manaiak an harago minyak. Samantaro baghuak Mak Usuih manuruan kambie karajo e tiok ari ko. Tu tadanga lo tadi, kalau minyak naiak, sado harago jadi naiak lo. Kok samo lo baguak gadang jo pemerintah ko  batele karajo namo e tu Mak! Kateh lari kambie sado e ko!”

“Mangecek jo ang sakali lai, den gado ang jo tarompa ko ko lai Yuang!” pinteh gaek nan mangecekan bahaso pemerintah ko baghuak gadang.

Tapaso lah si Buyuang manjauah dari lapau sambia bapikia hubungan antaro pemerintah jo baghuak ko.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s