Manggaleh Ubek

Sajak ketahuan patang tu, tabukak coki si Atai. Si Buyuang pun akhianyo tau sia ayahnyo nan sabanae. Dak tangguang gadang malu si Atai ko doh. Singkek carito nyo bae larek dari kampuang antah untuak bara lamo. Kini ko yo jauah larek e, ka tanah jawo. Maadu untuang jo parasaian.
Sasampai di tanah jawo, dak tantu sia nan ditampek i. Dunsanak dak ado, karabaikpun indak. Duo hari si Atai luntang lantuang di rantau urang, sabalun disalamaikan dek urang kaliang. Dek lah duo hari si Atai lalok di muko kadai ubek urang kaliang ko, batanyo lah baliau tu,
“Bapak dari mana?”
“Saya jauh datang dari kampung, pak!”
“Dimana kampung bapak?”
“Pariaman pak!”
“Eeee yayai yeh, urang awak juo kiro e. Naiak lah sanak!”
“Mokasi banyak sanak!”
Yo bana ketek duya ko kiro e. Lah jauah tabang marantau, kiro e basobok juo jo urang awak, tapi nan kaliang e.
“Sanak sia namo? Lai namuah manolong ambo?”
“Panggia sajo Atai pak! Jadih pak!”
“Mode ko mah sanak, eh Atai. Lah saminggu anak buah ambo baranti karajo. Yo agak tapetai-petai ambo mampertahankan pelanggan. Si cino nan disabalah tu, acok maambiak langganan ambo. Macam-macam promosi nan nyo buek sahinggo kini ko lah paniang ambo, baa caro malawannyo!”
“Jadih lah pak, ambo bantu apak sabisa ambo pulo!”
Iyolah jo gadang hati si Atai karajo di toko ubek tu. Nan pantiang deknyo lai dak bacakak jo galang-galang, alah tumah. Duo-tigo hari diparatian dek si Atai iyo dak basiagak rami urang balanjo ka kadai cino di sabalah tu doh. Bapikia panjang lah si Atai baa caro manolong bos nyo ko. Tibo-tibo tumbuah lah pangana deknyo. Ditempelnyo pengumuman gadang-gadang dimuko kadai.
OBAT MUJARAB, TIDAK SEMBUH DIJAMIN UANG KEMBALI
Coitu bunyi promosi si Atai. Takajuik bosnyo mambaco tulisan tu
“Kok dak cegak urang dek ubek kito ko, bangkrut ambo beko Tai!”, sasek si Bos ka anak buahnyo tu.
“Tanang sajo lah Pak, bisuak rami urang bali ubek awak mah, tamasuak langganan cino tu!”
Kiro-kiro tigo hari sasudah tu, iyo mulai rami urang bali ubek. Antah baa lo, yo lai cegak jo urang nan bali ubek tu. Antah iko nan rasaki si Atai atau memang kebetulan.
Sabulan sasudah tu, umpamo dak baurang kadai si cino tu lai doh. Tabiklah aka dek cino ko ka mahancuaan galeh bos si Atai. Nyo bae purak-purak sakik. Pangana si cino tu, kan dak mujarab ubek tu lai doh, otomatis nyo dapek pitih. Nyo patakuik sangenek, tambah gadang dapek pitih.
“Pak owe sakit flu, sudah dua hari hidung owe tersumbat. Bahkan hari ini owe ga bisa membaui makanan. Kasih obat canggih, pak!”, kecek cino ko ka bos si Atai.
“Atai, tolong ambilkan obat flu utk Koko ini!”
“Iya pak. Flu berat ya Ko?”, tanyo si Atai ka cino tu
“Iya!”
“Gampang! Dengan obat no. 7 ini dijamin sembuh!”
“Cara pakainya, Koko oleskan obat ini di hidung Koko. Saya jamin pasti sembuh!”
Iyolah nyo turuiakan kecek si Atai dek cino ko. Cino ko lah siap-siap ka mambae bos si Atai. Tibo-tibo tagalenjek gadang cino tu,
“Buset lu, tai ayam lu kasih owe!”
“Tu kan langsung sembuh hidung Koko!”, kecek si Atai mambaleh.
Tadiam cino tu, sambia mete-mete nyo tinggaan kadai si Atai.
Cino ko masih penasaran, nyo cari aka untuak mambaleh parangai si Atai. Saminggu siap tu, tibo lo cino ko mambali ubek liak. Nyo intaian urang sadang rami, baru nyo beraksi purak-purak sakik lo liak.
“Pak barusan owe jatuh, kepala owe ini sakit sekali. Owe coba mengingat-ingat, ternyata owe lupa. Jadi owe mau beli obat lupa ingatan. Ada ga?” kecek cino tu disalo-salo urang rami.
Mandanga sakik cino ko, mancaliak urang sabalik. Yo kolah lai ado ubek lupo ingatan tu.
“Tenang Ko, obatnya masih ada. Ini obat no. 7!”, baleh si Atai ka cino tu.
“Kampret lu, tai ayam lagi lu kasih owe!”
“Tu kan, langsuang sembuh penyakit Koko!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s