WC Umum

Sore tu yo bana mamilin paruik si Atai, petai-petai nyo mancari WC.
“Kama ang Tai?”, sapo Bos nyo.
“Paruik den mamilin!”
“Sungkahan juo lah jariang tu dek ang!”
WC umum dak bara jauah dari kadai Bos si Atai ko doh. Satibo di WC untuang masih ado ciek nan kosong. Biasolah di kota ko WC umum nyo banyak badirik. Tibo di dalam WC nyo lapehan kandak buruak paruiknyo tu.
“Ondeeh yo bana sero!”, gumam si Atai sambia mangaluaan bunyi nan malapoh-lapoh. Tibo-tibo ado urang nan mangecek dari sabalah.
“Alo, baa kaba!”, kecek suaro diruang sabalah si Atai. Tadiam si Atai sasaaik. Bapikianyo, tau nyo den urang awak mah, keceknyo dalam ati.
“Alo, baa kaba ang!”, nyo ulang dek urang sabalah tu liak.
“Ka den uda batanyo ko!”, baleh si Atai.
“Iyo, baa kaba waang kini!”, kecek urang tu lo liak.
“Kaba baiak!”, jawek si Atai agak ragu-ragu mulonyo.
“Ooo, syukurlah. Aden baiak lo. Sadang manga ang kini tu?”, tanyo urang tu lo liak.
“Bagarah jo uda mah. Sajaleh tu awak samo-samo di WC tu batanyo lo uda sadang manga ka den!”, jawek si Atai sambia geleang-geleang kapalo.
Diam jo sudah tu lai, dak ado tanyo dari subalah lai doh. Bapikia jo si Atai jadinyo, sia nan batanyo tadi tu. Tu apo mukasuiknyo mananyoan kaba. Sadang bapikia kareh tu si Atai, tadanga lo suaro dari sabalah baliak.
“Buliah den main ka tampek ang dak!”
“Bato da! Awak samo laki-laki nyoh. Ka manga uda ka tampek den ko!”, mulai nada suaro agak tinggi sambia curiga si Atai dibueknyo.
“Alah tu yo, beko den sambuang liak. Urang disabalah den ko manjawek jo tiok den ngecek a!”, baleh suaro nan disabalah.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s