Takuik jo Bini

Tasabuiklah duo urang sahabaik karik nan banamo, Kale jo Abuik. Kale ko manggaleh tarompa masuak kampuang kalua kampuang, samantaro Abuik ko manggaleh pulsa kuliliang. Kebetulan pulang sumbayang Jumaik kapatang, basirobok mereka ko di musajik nan samo.
Kale :” Oi, Buik… disiko lo ang sumbayang jumaik yeh..!”
Abuik :”Eh waang Le… Lah lamo wak dak sobok dak…!”
Kale :”Bado na lah lamoe, paliang sabulan ko ru!”
Abuik :”Iyo yeh…!”, nampak masam je muko Abuik ko. Biasoe dak basiagak sanang ati si Abuik ko kok basobok jo konco palangkin e ko ko doh.
Kale :”Dek a waang Buik? Kusuik je muko ang nampak di den!”
Abuik :”Baa lah den manyabuik e ko yeh!”, diajak e kawan e ko baganjue ka bawah batang Katapiang.
Kale :”Caritoan je lah ka waden, sia tau bisa den bantu!”
Dipana e dalam-dalam muko sahabaik e ko dek si Abuik untuak sasaaik.
Kale :”Kok pitih ang salang, yo sadang tabedo den kini mah Buik!”, baleh si kale manjawek tatapan kawan e ko.
Abuik :”Bini den mintak carai Le!”
Tadiam kaduo e. Kale dak tantu lo a nan kadisabuik e doh, maklumlah wee lun pernah lo bacarai lai.
Kale :”Apo masalah e Buik, dak bisa disalasaian?”
Abuik :”Dak tantu jo dek den doh, tibo-tibo bini den mintak carai je!”
Kale :”Ado talaik gai waang maagiah pitih banjo e dak?”
Abuik :”Dak pernah doh Le, malahan sado pitih galeh den sarahan ka inyo mah!”
Kale :”Dak mungkin dak ado panyabauk e doh Buik!”
Abuik :”Itu nan mambuek den binguang!”
Kale :”Cubo ang kana-kana na liak. Sia tau pernah ang hariak tonggaan gai!”
Suasana hantok untuak sabanta.
Abuik :”Dak pernah doh Le!”
Kale :”Atau ado laki-laki lain nan manggaduah e dak?”
Abuik :”Dak lo tapikia dek den tu doh Le. Bini den ko rajin sumbayang, raso dak ka mungkin je doh!”
Kale :”Tele waang mah Buik. Takah ko pandangaran kini ha. Bini sia nan dak silau jo harato. Sia tau ado laki-laki kayo nan marayu e!”
Kalam muko Abuik mandanga panjalasan si Kale.
Abuik :”Waang jan mananakuikan den je Le!”
Kale :”Indak mananakuikan waang gai doh Buik. Cubo ang pikia, waang tiok ari ko bakuliliang manjua pulsa. Samantaro bini ang di rumah maurus rumah. Kok ado urang nan marayu bini ang, dima pulo ang tau!”
Abuik :”Bisa jadi juo tu mah Le. Soale akhia-akhia ko, bini den yo barubah bana gaya e, tambah mantiak lai lo nampak di den. Den sangko untuak den jo malagak e tu!”
Kale :”Ang salidik bana lah tu lu Buik!”
Abuik :”Kini a juo lai, nyo basikareh mintak bacarai!”
Kale :”Tu waang caraian jo jadie?”
Abuik :” Alun lai. Waden takuik!”
Kale :”Takuik dek a ang?”
Abuik :”Bini den ko rancak, payah mandapekan nan takah tu bisuak!”
Kale :”Eeeeee pampam, karambie anyuik dek ang mah Buik… Kudoklah bini ancak ang tu!”, ditabeh e pai jo dek Kale lai. Samak lo ati e sakali ko ka kawan dakek e ko.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s