Presiden Pandia

Abuik masih samak panganae dek urusan carai ko. Hari ko nyo turuik si Kale ka rumah e.
Abuik :”Kale, pai manciang wak lah!”
Kale :”Dak pai manggaleh ang Buik?”
Abuik :”Pangana den sadang samak a!”
Kale :”Den ka pai manggaleh a, ko sadang bakameh-kameh!”
Abuik :”Yolah, den pai je lah surang ka tang aia!”
Mancaliak kawan e maibo tu, dibatalan e dek Kale pai manggaleh.
Kale :”Dima wak manciang?”
Abuik :”Tu yo kawan sejati ang tu Le!”
Bajalan lah mereka baduo ka ka batang aia nan dak jauah na dari rumah si Kale ko doh.
Kale :”Baa urusan carai bini ang?”, sambia diumbanan e kayia ka batang aia.
Abuik :”Panik den. Lah duo hari den dak pulang, pado batangka lo, ancak den pai lai!”
Kale :”Tu a pangana ang kini lai Buik?”
Abuik :”Dak tantu dek den doh. cito lain jelah wak lai!”
Yo binguang lo Kale dek e. Baa lah caro mahibur hati kawan dakek e ko lai.
Abuik :”Lai bajua bali ang patang Le?”
Kale :”Lailah untuak sekedar makan kini jo bisuak lai cukuik!”
Tu lah hantok lo Abuik liak.
Kale :”Waang baa Buik? Lai bajua bali?”
Abuik :”Antah lah ka disabuik Le. Hiduik tambah susah je. Makin hari makin payah ci pitih ko. Pitih mo puluah ibu je dak barago na lai doh!”, bakatutuihan je Abuik ko maupek jadi e.
Kale :”Ka dipangaan lai Buik. Pemerintah wak ko bana nan sadang sakik!”
Abuik :”Batua tu Le, batua bana kecek ang tu tu mah. Apolai sajak basajak ko, lah kanai kulayahan bana wak sebagai urang Minang ko dek pemerintah!”
Kale :”Kama lo tibo e tu Buik?”
Abuik :”Eeee yayai yeh, dak mambaco Koran cabiak ang ko mah Le. Patang ko baru a, urang awak dibarantian jadi mentri dek Presiden!”
Kale :”Oooo da Can tu?”
Abuik :”Iyo. Sajak 2 tahun ko lah 3 urang, urang awak dan kanai barantian!”
Kale :”Ma lo diang?”
Abuik :”Partamo, da Andri. Kaduo Da Zal, tu nan katigo da Can!”
Kale :”Iyo yeh… Lah tigo je urang awak baranti dari mentri tu yeh!”
Abuik :”Dak samo jo mangulayahan awak urang Minang ko dek ang tu Le a. Dak tau e kolah, bahaso daulu katiko jaman perjuangan, sambuah urang awak ko nan talibaik dalam proses kemerdekaan bangsa ko ko mah!”
Kale :”Kok dikana-kana, iyo banyak jaso urang awak ka negara ko mah dak Buik!”
Abuik :”Ato pulo. Apolai da Can tu ha, awak sebagai urang Piaman yo tasingguang na mah Le!”
Kale :”Iyo, patang ko ado surek amak e beredar di dunia maya. Disuruah e da Can ko baliak ka Amerika liak!”
Abuik:”Urang santiang bacampakan, urang andia baengkek jadi mentri!”
Kale :”Tapi da Can ko dek kewarganegaraan ganda ko tasanduang e mah Buik, kamanga wak lai!”
Abuik :”Apo lo ko a. Cubo lah pikia dek waang Le, lai ka mungkin katiko ka diangkek jadi mentri dak tau presiden apo kewarganegaraan calon mentri e?”
Kale :”Iyo lo dak!”
Abuik :” Baa dak ka iyo dek ang. Ciek lai, den caliak pidio e di yutub wee guru mangaji gai di Amerika tu. Urang siak wee ko upoe. Jadi manuruik den dak mungkin je asoe da Can ko baduto tu doh Le!”
Kale :”Tu kok tau presiden takah tu, manga diangkek e juo da Can ko jadi mentri?”
Abuik :”Antah lah tu Le, dak jalaih lo di den doh. tapi nan pasti urang pandia nan takah ko ko nyeh!”
Kale :”Kok pandia presiden wak, dima latak wak tu lai Buik!”
Abuik :”Antah lah Le….. Iko lawuak alun jo manggatuih lai ha!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s