Baranti Marokok

Kale jo Abuik sadang mangopi di lapau pagi ko sabalun pai bakureh.
Kale :”Buik, den baranti maokok sudah ko nyeh dang!”, sambia mamatian rokok nan lah tapuntuang.
Abuik :”Baa dek tabik lo pangana ang baranti maokok Le?”
Kale :”Dak mandanga kaba gai ang ko? Pi pemerintah ka manaiakan harago okok mah. Kaba e 50 ibu sabungkuih lai!”
Abuik :”Antah iyo antah indak dek ang tu, isu tu mah….isu!”, sambia disambuang e marokok baliak.
Kale :”Tarok lah harago okok ko dak naiak Buik, waden yo nio baranti maokok nyeh! Kecek ungku dotor dak elok untuak kesehatan doh!”
Abuik :”Eeee yayai di ang yeh, tabik lo pangana ang mandanga pasan angku dotor mah!”
Kale :”Baa ka baa badan ko ka dipakai lamo mah Buik, ibo wak jo anak bini. Isuak lah tuo badan dek anguik, payah na wee maabehan awak!”
Tadiam si Abuik mandanga kecek si Kale kawan e ko.
Kale :”Eh, mooh an den Buik, lupo den waang ka carai yeh!”
Abuik :”Apo lo tu a, tah kama je lari e!”, mulai kusuik muko Abuik ko.
Kale :”Kalau di pikia-pikia dang Buik, maokok ko dak do guno e doh. Cubolah ang pikia, asok nan diisok tu diambuihan liak. Paruik gai dak kanyang dek e doh, malah patah salero makan di e!”
Abuik :”Lai sabanae waang ka baranti maokok ko Le?” Jan dek gagara waang dak bapitih je baranti maokok, atau maleh mambali okok!”
Kale :”Waden nio iduik sihaik lai Buik. Sampai bilo den ka maniayo tubuah den ko!”
Abuik :”Lah santiang lo ang mangecek kini yeh!”
Kale :”Bukan santiang Buik, tapi takana bana!”
Abuik :”Waden yo dak ka baranti maokok ko doh. Takah urang andia wak dak maokok ko diang. Cubolah caliak, sadang bamanuang dak maokok, takah baruak mancibia je. Manciranguik dak jalaih je. Apolai kok sudah makan dak maokok, salain amba lidah di e, ele gai bantuak e takah bencong lo nampak di den!”
Kale :”Paniang ang ko mah Buik, justru bencong tu maokok sadoe mah diang. Apolai okok nan ang isok kini ko ha, okok bencong bana tumah!”
Abuik :”Mandeang, okok den gai ang kecekan okok bencong!”
Tabasuik galak Kale dek e, sampai tapacak aia matoe dek galak…
Kale :”Sakuati ang lah Buik. Waden kan indak manyuruah waang baranti maokok gai doh mah, Cuma mangecekan waden ka baranti maokok je nyeh!”
Abuik :”Justru dek waang baranti maokok tu rusuah den Le!”
Kale :”Tu manga lo waang nan rusuah!”, dibae e tagak dek Kale ko lai, sambia dikamehan e galeh e lai.
Kale :”Bara sadoe tu ni, tambahan bon den dih, beko sore den bayia!”, kecek Kale ka rang kadai sambia maninggaan Abuik sorang je.
Abuik :”Iko nan den camehan tu Le, sia nan ka mambalian dek okok sudah ko lai?”
Kale :”Eeee cingaok diang yeh!”…

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s