Gubernur Sarawa Kotok

Hujan sakali ko yobana labek, sahinggo Kale mamutuihan baranti manunggu hujan taduah di kadai tek Miah.
Kale :”Teh angek ciek tek!”
Tek Miah :”Ciek duo ko?”, tanyo rang kadai mamastian baliak.
Kale :”Kana duo na, waden surang je nan minum nyeh mah!”
Tek Miah :”Caliak lah karek an waang tu a, balari kamai e takah e!”
Ruponyo dari jauah si Abuik sadang baujan-ujan takah e nyo ka nompang bataduah lo di kadai tek Miah ko.
Kale :”Manga waang ko Buik, takah urang gilo nampak dek den!”
Abuik :”Waden sadang mauji kapandaian!”
Kale :”Mauji kapandaian?”, binguang lo Kale mandanga jawek kawan e ko.
Abuik :”Lai tantu dek ang dak Le, sabanta lai urang Jakarta ka mamiliah Gubernur. Waden kasato lo, makoe den uji kapandaian kini ko lu. Buliah jaleh duduak pakaro e!”
Kale :”Paniang den mancaliak ang ko mah Buik! Dima waang tasapo tadi ko?”
Babisiak tek Miah ka si Kale,
Tek Miah :”Sajak ka bacarai ko, setres bana kawan waang ko kini mah!”
Kale :”Antah lah tek, untuang-untuang lai dak gilo wee!”
Abuik :”Caliak dek waang dih Le!”
Nyo baka kumayan dek Abuik ko, sudah tu dibacoan e doa satanggak,

Hei Awan Silimbubu nan mambaok gabak hitam
Pailah engkau den suruah den sarayo
Kalau engkau dak namuah pai den suruah den sarayo
Engkau dikutuak dek nan Kuaso
Aku Harimau Allah diateh duya ko
Baun ko tiado kaciuman
Romanku tiado keliektan
Aku mangatokan kato Allah
Hu baranti.

Dak bara lamo sudah Abuik mambaco doa tu, iyo baranti hujan sakatiko tu juo.
Kale :”Apo lo hubungan e jo Gubernur tu Buik?”, bakaruik kaniang Kale dek e.
Abuik :”Dak manonton tipi rusak ang ko doh Le. Danga lah elok-elok dih. Gubernur nan kini ko mangecekan wee bisa maatasi banjir. Rupoe tu mah, babarapo hari nan lalu Kemang kebanjiran. 2 jam je ujan nyeh, lah banjir. Kanai upek jo caraco wee dek warga e.
Kale :”Tu..!”
Abuik :”Kini ko warga Jakarta bangih sangaik ka wee, nyo tuntuik janji e tiko kampanye dulu. Kok dak jo ado jalan kalua e, den jamin dak ka dipiliah urang paja engak ko bisuak ko lai ko doh!”
Kale :”Oooo mantun… Waang palagakan ilimu ang ko untuak maambiak simpati warga Jakarta komah yeh!”
Abuik :”Haaa tuah, santiang waang Le!”
Kale :”Abuik….abuik… nan kaiyo-iyo jelah carito ang ko!”
Abuik :”Kan iyo dek ang tu, dak bagarah den doh mah. Nampak dimato kapalo ang kamangkuihan ilimu den. Dak sio-sio den manuntuik ka Malalak tu doh a!”
Kale :”Ilimu ko dak untuak ka dipalagakan doh Buik. Ingek pasan maniangko guru dulu tu, ilimu ko untuak manolong urang banyak yuang dak untuak ka lagak doh!”
Abuik :”Dengan waden jadi Gubernur Jakarta isuak ko, bara banyak warga nan tatolong dek den tu Le. Cubo lah ang bayangan, warga nan biaso kanai banjir, kini indak lai!”
Kale :”Sakuati ang lah Buik, den dak sato-sato doh. Tu a lo isi buntie ang tu tu!”
Abuik :”Sado alaik paragai untuak mamulusan den jadi Gubernur!”
Dibukak e buntie tu dek Kale, rupoe iyo sagalo alaik paragaik untuak manangka hujan isie.
Kale :”Bukak lah tungkuih kapalo ang ko a, babulu incek mato den mancaliak e!”
Lun sempat Abuik manjawek kecek si Kale lai, lah tangga tungkuih kapalo e.
Abuik :”Jaaaaan ang campakan lo Le, malatuih ujan ko beko liak ha!”
Iyo dak lamo sudah tu, tibo hujan labek liak.
Kale :” Waang dalang komah Buik. Duduak dilapau kapalo ang, ang tungkuih jo sawa kotok!”
Abuik :”Ang kan tau itu ukun syaraik e mah!”
Kale :”Malu waden jadi e. Dicimeehan urang ang beko. Kok iyo tapiliah ang jadi Gubernur dek bisa manangka ujan, tu Gubernur Sawa Kotok ang disabuik urang lai Buik!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s