Sagaloe Kanai Pajak

Abuik :”Tax Amnesty ko a ko Le?”, tanyo Abuik ka kawan e disalo malapeh panek sahabih manjojo kuliliang kampuang.
Kale :”Kecek urang santiang, aratie pengampunan pajak!”
Abuik :”Pengampunan baa lo ko Le? Waden je dak pernah basalah doh. Mancilok dak pernah, mangicuah dak pernah. Pendek e, waden dak pernah bakasus jo polisi doh!”
Kale :”Dak tantu lo dek den tu doh Buik, tapi nan den baco disurek kaba pengampunan pajak ko guno e untuak maegang pitih konglomerat nan disimpan di lua nagari!”
Abuik :”Jahek je sado konglomerat tu tu Le, mako diampuni bana wee!”
Kale :”Bisa jadi juo tu Buik, wee andok an pitih rakyaik ko di lua nagari!”
Maangguak-angguak Abuik sambia manonoh kopi e nan lah mulai dingin.
Kale :”Tapi kalau didanga-danga lo Buik, kini ko yo heboh bana urang dek pemerintah ko mambuek kebijakan pengampunan pajak ko!”
Abuik :”Eboh baa?”
Kale :”Mulo e perintah ko mambuek kebijakan pajak ko untuak maegang baliak rupiah nan sambuah di lua nagari tu, tapi kudian-kudian tadanga sado masyarakaik jo nan kanai. Tamasuak rakyaik badarai takah awak ko!”
Abuik :”Jan batetele je ang ko Le! Cameh den mandanga e ha!”
Kale :”Itu mako den sabuik tadi, heboh urang sabalik dek e. Kecek urang santiang, negara wak ko dak ado pitih lai. Jadi nyo pajak i je sado e lai!”
Abuik :”Itu dak pengampunan namoe tu doh Le. Tu mamalak namoe tu mah!”
Kale :”Antah lah tu Buik, banyak istilah urang-urang ebat ko mangicuah awak ko, babagai istilah e!”
Abuik :”Yo tambah marasai iduik ko ko mah Le. Alah iduik susah, cipitih payah ditambah lo kini awak kanai jarah!”
Kale :”Santiang lo ang bapantun yeh Buik!”
Abuik :”Itu nan tingga lai nyoh Le.”
Kale :”Kalau dipikia-pikia yo sagalo kanai pajak kini ko komah Buik!”
Abuik :”A contoh e?”
Kale :”Bali Onda wak kanai pajak, makan di rumah makan kanai pajak, galeh pulsa waang tu kanai pajak lo, rumah tiok taun kanai PBB, usak onda wak dipelokan tu bali sparepart e kanai pajak lo, dijua onda nan usak tu kanai lo pajak penjualan… Sadoe kanai pajak!
Abuik :”Tu a nan dak dipajak lai nyoh Le?”
Dipatuik e muko kawan e ko dek Kale lamo-lamo. Sudah tu, Tuuuuuutt. Kalua kantuik sakareh antah dari ikua si Kale ko.
Abuik :”Kalera waang Le….!!!”
Sabalun Abuik mancaracau dak tantu arah, Kale lah tabang ambua maninggaan kawan e tu..

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s