Abak Dak Nio Mangakui Anak

Kale :”Lai caliak tepi ang sanjo patang Buik?”
Abuik :”Indak. Apo acara e tu?”
Kale :”Acara Talkshow ko ha. Ado anak nan mangecekan bahaso wee dak diakui dek abak e!”
Abuik :”Ooooo!”
Acuah jo Abuik ko kiroe nyoh. Nampak indak tertarik gai wee jo tanyo si Kale tu doh.
Kale :”Dak nio tau gai ang sia urang e doh?”
Abuik :”Tu alo paralu den tau jo paja tu? Sanak indak gai doh mah!”
Kale :”Di tangah jalan baa waang tagak ko Buik? Senek je lah mamburansang!”
Abuik :”Bukan waden panyingguang Le, tapi apo lo paralu den jo berita tu tu?”
Kale :”Adih nah, kok dak nio tau gai ang tu ka baa juo lai!”
Tibo-tibo manyalo urang kadai,
Tek Miah :”Oooo anak paja nan acok ngecek super tu yo Le?”
Kale :”Eh, lai manyimak etek mah, sangko kok takah Abuik je tu, manyamak!”
Tek Miah :”Bato!”
Kale :”Eh… Mooh tek, mooh den!”
Tek Miah :”Takana dek Etek, iyo dak manyangko etek doh lah. Salamo ko Etek caliak di tepi abak e tu iyo urang nan samparono santiang. Tiok subanta mamuji bini e, keluarga e, pokok e bantuak dak ado cacek e doh!”
Kale :”Nah, itu nan nio den sabuik tadi tu tu Tek. Rupoe ucapan ko dak salamoe samo jo parangai doh!”
Tek Miah :”Batua tu Le. Binguang lo Etek dek e tu mah, sadang binatang je tau anak e. Cubo lah gaduah kok dak berang e. Iko urang, indak mangakui anak e. Apo lah pangana gaek tu?”
Abuik :”Jan ang samoan je urang sadoe Le!”
Kale :”Eh, dima lo tasandek e tadi tu?”
Abuik :”Jan pupurak jo ang lai Le. Waang kan tau baa kondisi den kini mah!”
Tadiam Kale sasaaik. Di inok manuangan e kato kawan e tu.
Kale :”Lai tau den waang ka bacarai Buik, tapi apo lo berang ang jo apak super tu?”
Abuik :”Waden iyo dak tau carito apak nan indak maakui anak e tu doh. Tapi cubo lah waang mangarati perasaan den saketek!”
Kale :”Dak mangarati den kama arah carito ang doh Buik?”
Diegangan e tangan Kale dek Abuik supayo manjauah dari lapau. Kikiro lah dak tadanga dek urang saisi kadai raso e lai, baru baranti Abuik ko.
Abuik :”Tau ang sabana e baa kok bini den mintak carai?”
Kale :”Waang je mangecek patang ko, dak tau apo sabauk bini ang mintak carai doh, apolo waden. Ma tantu dek den tu!”
Abuik :”Babarapo hari nan lalu salinteh tadang kaba dek den, bini den ragu bahaso anak den kini tu dak tau e abak e doh!”
Kale :”Baa? Dak waang abak e?”
Abuik :”Itu nan mambuek den samak, lai jaleh dek ang!”
Kale :”Aaa yo bari mooh den tu Buik, dak ado pangana den tadi manyingguang perasaan waang doh. awak lah dari ketek bakawan Buik. Paham lah waang tantang sinan tu!”
Abuik :”Taibo bana perasaan den katiko mandanga anak nan den kurehan tiok ari ko rupoe dak waden abak e doh!”
Kale :”Jan ang picayo bana jo isu tu lu. Cubo tanyo bana ka bini ang tu, baa carito nan sabana e. Kok dak batua isu tu, doso jo nan dapek dek ang nyoh Buik!”
Abuik :”Lun talok rasoe den mandanga e lai doh Le. Batanang lah den gak bara ari ko lu!”
Kale :”Yolah kok mantun, abihan lah minum ang di lapau tadi lu. Beko lo wak etong kama wak sudah ko lai!”

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s