Kopi Baracun

Kale :”Tek, kopi itam sakarek-sakarek duo!”
Tek Miah :”Untuak sia dek ang ciek lai Le?”
Kale :”Santa lai tibo si Abuik mah Tek!”
Alun talakik taidang kopi pasanan tadi lai, yo lah tibo si Abuik di kadai Tek Miah ko.
Tek Miah :”Panjang umua ang Buik, baru santa ko Tek tanyoan!”
Abuik :”Alhamdulillah lah Tek!”
Tek Miah :”Ko kopi spesial Le, dibuek jo hati nan sanang!”
Kale :”Mokasi Tek!”
Abuik :”Waden dak do masan kopi doh Tek!”
Tek Miah :”Kale nan mamasanan untuak waang tadi tu!”
Abuik :”Indak den minum kopi doh, apolai kopi spesial lo!”
Kale :”Baa tabik dak lamak dek ang kopi kini ko Buik?”, heran lo si Kale dek e. Salamo ko dak mamantang gai Abuik ko jo kopi ko doh.
Abuik :”Dak mancaliak tepi gai ang ko Le. Kopi kini ko baracun. Pendek umua den ko, dak jadi doa Tek Miah dikabuaan Tuhan beko!”
Tek Miah :”Elok-elok muncuang ang stek Buik. Samo jo ang manuduah kopi Etek tu mah!”
Abuik :”Eeeee yayai yeh. Etek lah tagak di tangah jalan lo. Danga dek etek dih, itu di tepi ado urang nan mati dek minum kopi. Baru sataguak diminum e kopi tu, dak lamo sudah tu mati e. Kan iyo baracun namoe kopi tu tu Tek!”
Kale :”Waang nan manggarasau ko mah Buik. Mandanga berita sakarek-sakarek!”
Abuik :”Tu baa nyeh?”
Kale :”Nan batua tu, kopi nan diminum paja tu diagiah racun. Bukan kopi nan baracun tapi ado nan masuak an racun. Lai jalaih dek ang tu?”
Abuik :”Samo je tunyeh. Tu makoe den dak nio minum kopi lai doh!”
Tek Miah :”Eh danga lah diang Buik, kalau nan ka mati tu mati je nyeh. Indak dek minum kopi jo nek e mati e doh. Den damak jo kaniang ang ko amuah e ko nyeh!”
Kale :”Saba Tek…saba. Abuik ko iyo asa malantong je muncuang buruak e tu nyeh!”
Abuik :”Pokok e sajak kini ko kateh waden dak ka minum kopi lai doh!”
Kale :”Sakuati ang lah Buik, tapi kopi nan kini ko kok dak ang minum yo tasingguang den dek e mah!”
Tamanuang Abuik dek e. Dalam hati badampuang, raso-raso baracun lo kopi ko. Tapi kok dak diminum bisa panjang urusan e, sabauk Abuik ko tau bana watak kawan e ko sajak ketek, bisa bangkak-bangkak kaniang e pulang ko.
Kale :”Baa diam ang? Ka ang minum atau indak kopi ko ko Buik?”
Abuik :”Iiii…iyo..dddeen.. minum ko..!”
Kale :”Bato tapaso tu bunyi e. Kok dak nio kecekan dak nio, buliah jaleh lo!”, mulai tinggi suaro Kale.
Abuik :”Iyooo… den minum ko!”
Pado banyak tanyo Kale dinonoh e kopi ko langsuang.
Abuik :”Waaaaaa, kaleren.. ang tubo den yeh!”
Kale :”Dek a waang?”
Abuik :”Angek…!”
Takanyonyong muncuang abuik dek e.
Kale :”Waang nan dangiang, jo api baabuih e aia tu tantu iyo..!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s