Jawi Qurban

Kale :”Dima ang sumbayang yayo tadi Buik?”
Abuik :”Di tampek biaso je nyeh, di tanah lapang surau wak mah!”
Kale :”Baa kok dak nampak dek den tadi?”
Abuik :”Tadi pagi waden talambek tibo!”
Kale :”Ooo. Tu urang mambantai kama waang? Dak lo nampak dek den doh!”
Abuik :”Antah dek a tadi tu, paruik den mamilin sangaik. Lun salasai kutubah Katik waden lah ilie je lai!”
Kale :”Dek a paruik ang? Tamakan barang haram lo dak?”
Abuik :”Kanciang ang Le! Kecek ang samo den jo pejabat tu. Bansaik bana waden ko ha, nan barang haram tu yo dak pernah den makan doh!”
Kale :”Tu iyo ang tu. Alah bansaik, makan lo barang haram, dak masuak doh tu!”
Abuik :”Baa dek kareh na kecek ang ko Le?”
Kale :”Waden sudah mambaco berita di media onlen cako. Kecek berita tu, ado warga di Jakarta ko nan manulak pambarian jawi qurban!”
Abuik :”Eh, iko lo tadanga dek den baru nyoh Le!”
Kale :”Tapi lah patuik jo tu mah Buik!”
Abuik :”Lah patuik baa mukasuik ang tu Le? Sombong bana lo urang nan manulak jawi qurban tu mpak dek den mah!”
Kale :”Nan maagiah jawi qurban tu Gubernur e!”
Abuik :”Ooooooo patuik lah. Kecek den sia lo tadi tu!”
Kale :”Kan itulah!”
Abuik :”Dak dek awak dak urang tu doh Le. Paja tu kapia badariak, ma lo bisa sato baqurban. Dima lo undang-undang e tu!”
Kale :”Batua Buik. Jatuah e jawi sumbangan biaso je lai, dak jawi qurban lai doh!”
Abuik :”Tarok lah jawi sumbangan bana, tapi tu manyingguang perasaan awak sebagai urang muslim bana paja tu tumah Le. Bantuak bansaik sadoe je urang muslim ko dek e mah!”
Kale :”Ciek lai Buik, wee maagiah jawi ko ka tampaik masyarakaik nan di gusur e patang tu!”
Abuik :”Eee yayai yeh, meha baa nan kaindak urang dek e. Sudah digusur e tampek tingga urang, kini di cimeehan e lo jo jawi qurban ko!”
Kale :”Tu makoe ditulak e tu Buik. Banyak na nan talendo dek e!”
Abuik :”Lai dak dek urang ka pemilu ko lo dak Le. Dibae e mancari muko, kiroe taambiak muko baruak!”
Tabasuik galak pareman ko kaduo e.
Kale :”Antah lah tu Buik, dak jalaih lo dek den tu doh!”
Abuik :”Sah dek karano ka pemilu tu mah Le!”
Kale :”Kok ka pemilu…kok ka indak na lah.. Nan jalaih waden dak ka mamiliah wee bisuak ko doh!”
Abuik :”Tantu iyo, KTP ang KTP ma? Sambarang je mah Le!”
Kale :”Kan itulah….!”
Abuik :”Eh Le, lai banyak urang baqurban disurau wak tadi?”
Kale :”Pado taun lalu yo bakurang jawi ciek!”
Abuik :”Iduik dek tambah susah jo kini mah Le. Makoe bakurang urang nan baqurban!”
Kale :”Kok ado niaik, ado je jalan e nyeh Buik! Dak alasan gai iduik susah tu tu doh!”
Abuik :”Dek lai ang mah Le!”
Kale :”Bukan dek lai Buik. Disiasati. Dulu yo bisa bayia langsuang tiko hari lah dakek. Kini ko disisiahan pitih tiok bulan. Kan dak barek tu doh!”
Abuik :”Utang sabalik pinggang lo Le! Dima ka tasisiah pitih ko!”
Kale :”Iduik Baraka mati bariman Buik!”
Abuik :”Waang nan mada aden jadi korban!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s