Da Can Jadi Mentri Liak?

Dari jauah nampak ado urang lari tagageh bantuak dikaja antu bilau
Tek Miah :”Sia tu Le? Takah urang tasasak je nampak!”, kecek rang kadai ka Kale
Kale :”Bantuak lari e, si Abuik tu mah Tek!”
Tek Miah :”Dek a kolah wee takah tu na larie?”
Kale :”Antah lo lah tu Tek. Kok dikecekan bini e ka malahian, malah nyo sadang proses carai kini ko. Yo dak tantu lo dek den tu doh Tek!”
Abuik :”Le….hufhufhhuf…Le..Hufhufhuf..!”, lun abih balasau-lasau angok Abuik ko dek lari, lah dipasoane mangecek.
Kale :”Tanangan bana lah angok ang lu Buik. Duduak na elok-elok lu!”, sambia dicoongan e aia putiah sagalaih dek Kale.
Abuik :”Mokasi yo Le yo!”
Kale :”Haa ko kan lamak. Mulai lah bacarito tanang-tanang, dek a waang tadi tu? Takah dikaja antu nampak di den!”
Abuik :”Baco dek ang ko Le a. Da Can jadi mentri liak!”, sambia dicaliakan e hp e ka Kale.
Kale :”Ooo pampam yeh. Kecek den kok a na tadi tu!”
Abuik :”Dak takajuik gai ang doh?”
Kale :”Apo lo nan ka takajuik den tu!”
Abuik :”Jadi lah tau lo ang yo?”
Kale :”Bukan masalah lah tau atau alun. Ang baco na elok-elok judul berita tu!”
Abuik :”Kan iyo dang tu Le. Diangkek baliak urang kampuang wak jadi mentri!”
Kale :”Caliak na elok-elok dulu Buik. Ado tando tanyo mpak dek ang judul berita e tu. Itu tando tukang tulih berita tu batanyo lo!”
Tadiam Abuik sakali ko.
Kale :”A nan ang manuangan?”
Abuik :”Yo salah den tu yeh!”
Kale :”Tu makoe baco bana elok-elok dulu. Urang kini ko banyak nan takicuah dek baco berita. Sudah tu dicaritoan lo ka nan lain, lah beda aratie!”
Abuik :”Oke lah yo sasek den tu. Tapi dek lah terlanjur waden baco berita ko Le, kok memang iyo sabanae diangkek baliak urang kampuang wak ko jadi mentri baa manuruik ang tu?”
Kale :”Ancak nah tu. Lai picayo juo presiden jo urang kampuang wak namoe tu!”
Abuik :”Kok dek den, dak masuak tu doh Le. Waden sebagai rang piaman yo tasingguang barek. Samo jo mampamainan perasaan urang piaman namoe tu. Bantuak dak barago je wak dek e!”
Kale :”Manga lo waang nan tasingguang. Labiah tantu nah dek presiden sia nan ka jadi mentri e!”
Abuik :”Manga namoe tu. Sudah buncah urang dek statuih warga negara e, kini tantu labiah buncah lo urang baliak Le!”
Kale :”Buncah dek a urang?”
Abuik :”Eeee yayai yeh, kecek den yo santiang bana lo waang. Kiroe dak tau waang baa permainan urang ko doh yeh!”
Kale :”Memang e baa permainan urang tu, den danga lo pandapek waang a!”
Abuik :”Lai jaleh dek waang Le, posisi nan ditinggaan dek da Can kini tu adolah posisi basah. Banyak urang nan bacirabuik nio posisi tu tu mah. Apolai urang partai, bisa iduik poya-poya partai dek e kok dapek kader e posisi itu tu mah. Kini tadanga kaba da Can ka diangkek di posisi tu baliak, tantu eboh urang sabalik. Dulu disabuik e da Can ko pengkhianat dek warga negara asiang. Tantu kini ko disabuik e da Can ko mato duitan lai. Cangok cando awak e!”
Kale :”Waang terlalu banyak manonton pilem mah Buik. Nan indak-indak je takana di ang!”
Abuik :”Serius waden ko mah Le. Dak tarimo den doh, urang kampuang den disabuik cangok jo kekuasaan!”
Kale :”Woi, mangucauk lah waang ko Buik. Alun manga-manga lah tantaha je nan ang pikiaan. Urang nan takah waang ko nan buek berita tadi tu jadi sasek!”
Abuik :”Tantaha baa kecek ang ko Le. Dak takana dek ang, sajak negara ko merdeka nan urang awak selalu ado dalam pemerintahan. Itu tando a dek ang tu? Tu tando pemikiran urang awak ko sangaik diparituangan untuak kemajuan negara ko!”
Kale :”Tu mah lai tantu dek waang. Berarti da Can ko, diparaluan lo dek negara ko Buik. Utak e nan santiang tu paguno untuak mambuek negara wak jadi maju!”
Abuik :”Sakuati ang ah Le. Payah den ngecek jo ang mah!”
Kale :”Tu marabo sakali je waang Buik. Alun jadi urang jadi mentri lai, waang lah kalebuik!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s