Baa lague ko da Irman, manih bana gulo tu?

Kale :”Kanai lo rang kampuang wak liak Buik!”
Abuik :”Iyo dang Le. A lah salah urang kampuang wak ko koyeh!”
Kale :”Alun salasai eboh kasus da Can lai, kini lah tibo lo kasus da Irman!”
Abuik :”Lai dak permainan politik lo ko Le? Babuek kesan urang kampuang wak ko bamasalah je sadoe!”
Kale :”Permainan politik baa mukasuik ang ko Buik?”
Abuik :”Bisa sajo ado urang nan dak suko jo da Irman ko, lah salamo tu wee di DPD ko. Tambah lo jadi ketua DPD duo periode lo. Tantu dicarian e jalan dek urang supayo wee jatuah. Takah kasus ketua KPK lamo mah!”
Kale :”Dak tantu dek den tu doh Buik! Nan jaleh, da Irman ko tatangkok tangan Buik. Payah mailak tu mah. Ado barang bukti!”
Abuik :”Iyo dak Le. Tapi takana dek den Le, wee disogok 100 juta nyeh. Lai sabana e ko? Kabae baliau ko anak rang kayo. Wee je katurunan tukang ameh. Urang kayo balindak wee tu mah! Amuah lo tagijau dek pitih satuih juta ko!”
Kale :”Urang ko tasanduang iyo dek batu ketek nyeh Buik!”
Abuik :”Indak itu mukasuik den doh Le. Okelah da Irman ko batua manarimo sogok. Tapi KPK ko ha, kasus sogok satuih juta ko ma lo makanan wee ko. Jatah polsek ko komah!”
Kale :”Iyo lo dak!”
Abuik :”Baa ka indak e dek ang Le, yo bana tu mah. Tu ciek lai KPK ko digaji gadang. Anggaran negara dak basiagak banyak e untuak wee doh, tapi nan ditangkok e kasus icak-icak je nyeh. Gaji bi gadang-gadang tapi karajo bi ngenek-ngenek!”
Kale :”Tapi dang Buik, waden raso-raso dak picayo jo a. Salamo ko da Irman ko terkenal serius jo program anti-korupsi mah. Wee acok sangaik ko maingekan supayo jan korupsi. Tapi kini tibo bana dek wee. Raso mimpi jo den soe Buik!”
Abuik :”Baa maindak picayoan e Le. Lah tajadi ko mah!”
Kale :”Tu ciek lai Buik, wee ko kabae suko lo basikadah. Suko manyumbang. Kan tando urang dermawan dek ang tu!”
Tadiam Abuik mandanga argument si Kale.
Abuik :”Eh le, jan-jan dek gagara acok manyumbang tu makoe wee paralu pitih. Siko manyumbang sinan manyumbang, tantu banyak pitih kalua. Kok dak cukuik pitih masuak tantu bacari jalan lain!”
Kale :”Dak yakin den jo alasan ang tu doh!”
Abuik :”Dak yakin na waang, tapi mungkin je tajadi tu nyeh Le!”
Kale :”Antah lah tu Buik, waden masih lun cayo jo lai! A iyo, ado ciek lain an ganjia. Tibo je urang tangah malam maanta pitih, baa kok ditimoe pitih tu? Sajalaih tu pitih manyogok mah, batimo jo!”
Abuik :”Mangantuak e mungkin mah Buik. Cubo lah bayangan dek ang, jam sangah satu malam tibo je pitih satuih juta!”
Kale :”Tu nan ganjia barikuik e, urang nan manyogok ko nio manambah kuota impor gulo!”
Abuik :”Tu dima ganjia e?”
Kale :”Dak iyo ganjia dek ang tu, dulu je kasus kuota impor ko sampai miliayaran etongan e mah, kini amuah batulak jo satuih juta je. Dak ganjia dek ang tu?”
Abuik :”Iyo lo dak!”
Kale :”Itu nan mambuek den masih antaro picayo jo indak Buik!”
Abuik :”Manuruik den, gulo nan dionyokan tukang sogok ko manih pado nan taralah mah Le!”
Kale :”Antah lah tu, bisa jadi juo!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s