Si Bunian Ompong

Abuik :”Tek, kopi ciek. Paikan kopie dih Tek!”
Tek Miah :”Baa lague ko Buik? Lah mintak kopi paik pagi-pagi ko!”
Abuik :”Suasana sadang paik kini Tek!”
Tek Miah :”Suasana a tu?”
Lun sempat dijawek e dek Abuik tanyo Tek Miah tu, nampak urang babondong-bondong maarah ka pondok nan ado ditangah sawah nan dimuko lapau Tek Miah ko.
Tek Miah :”Manga urang tu Buik?”
Abuik :”Urang pai mancari si Bunian Tek!”
Tek Miah :”Ado-ado je waang ko komah. Manga lo si Bunian nan bacari pagi-pagi ko!”
Abuik :”Etek pupura dak tau lo komah!”
Kale :”Buik, dak sato ang pai mancari si Bunian?”
Abuik :”Hahaahah, pai sato lo wak Le. Wak pakaruah na suasana ko lai baa nyeh?”
Tek Miah :”Apo cito waang baduo koa, dak mangarati Etek doh!”
Abuik :”Aaaalah Etek kolai. Indak kekinian Etek ko doh mah!”
Kale :”Tek Miah keduluan Buik!”
Tabasuik pareman baduo ko dek galak.
Tek Miah :”Kekinian keduluan a cito ko koah?”
Abuik :”Lah lupo lo Etek yeh, bahaso urang kampuang sabalah tu kan suko mintak pandapek si Bunian kalau ka mamiliah kapalo kampuang e mah!”
Tek Miah :”Iyo, tu?
Abuik :”Tu baa lo ko Tek?”
Tek Miah :”Lun manangkok Etek lai doh a!”
Kale :”Ondeeeh Etek ko lai. Lah dari saisuak mah urang kampuang tu mambaok kumayan mahadok si Bunian untuk ka syaraik!”
Tek Miah :”Iyo, tu lai tantu dek Etek mah. Tapi kini ko baa kok heboh bana bantuak e. Dulu paliang ciek baduo jo nan maanta syaraik tu tunyeh, dak sarami tu bana doh!”
Abuik :”Oooo itu nan Etek dak paham tu tu yeh!”
Tek Miah :”Iyo. Apo sabana e nan tajadi di kampuang sabalah tu tu Buik?”
Abuik :”Jadi mode ko mah Tek, urang kampuang sabalah ka mamiliah kapalo kampuang. Salamo ko kan apo nan dikandakan urang kampuang e salalu itu nan ditunjuak dek si Bunian untuak ka jadi kapalo kampuang. Ibaraik e pilihan si Bunian ko adolah suaro urang kampuang tu!”
Tek Miah :”Iyo, tu?”
Abuik :”Nah nan kini ko, kabae kapalo kampuang nan ditunjuak dek si Bunian ko dak piliahan urang kampuang tu doh. Ado urang lua nan maonyok namo nan kini di tunjuak si Bunian ko!”
Tek Miah :”Baa lo kok sato-sato lo urang lua masalah dalam nagari urang kampuang tu tu!”
Kale :”Urang lua ko kayo balindak Tek!”
Tek Miah :”Oooo mantun lo mah yeh, lah bisa lo dibali si Bunian ko jo pitih mah yeh!”
Kale :”Lah bosan lo si Bunian ko makan kumayan mah Tek. Sasakali makan nasi tumpeng lo lai!”
Tagalak urang saisi lapau mandanga kecek si Kale ko.
Abuik :”Jadi itu nan diebohan urang kampuang tu tu Tek! Urang kampuang ko dak picayo ka si Bunian lai doh!”
Tek Miah :”Yo lah talonsong urang kampuang ko ko mah!”
Kale :”Dima lo urang kampuang nan talonsong Tek, si Bunian ko nan indak bagigi kini lai. Lah namuah je wee dek diagiah nasi tumpeng gadang dek urang lua!”
Abuik :”Kalau dipikia-pikia, bagak lo urang kampuang sabalah tu mah dak Le. Salamo ko wee takuik sangaik ka si Bunian. Kalau A kecek si Bunian, A lo kecek urang kampuang tu. Kini malawan e. Dak tau e kolah si Bunian ko urang jadi-jadian.
Kale :”Kuati e jelah Buik. Dak sato-sato den tu doh. Manga lo pakaro antu nan wak hebohan.
Abuik :”Raso den si Bunian ko lah dijanjian kapalo kabau ameh lo ko mah Le, makoe ilang idealisame!”
Kale :”Tagadai kabau muncuang putiah dek kabau kapalo ameh mah yeh!”
Abuik :”Ameh ko labiah silau pado merah mah Le!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s