Mamiliah Pamimpin DKI

Kale :”Buik, baa manuruik ang calon pamimpin ibukota negara wak ko?”
Abuik :”Dak do nan sandereh doh Le!”
Kale :”Baa dek tempang tu je jawek ang tu Buik?”
Abuik :”Dima tempang e? Cubo lah ang sabuik sorang-sorang lah!”
Kale :”Adih nah, calon nan partamo mandaftar baa lague?”
Abuik :”Iko nan paliang dak sandereh. Kato-katoe dak basobokan jo ciek alah e juo doh!”
Kale :”Kareh na ang ko Buik kanai karuangan waang beko tu!”
Abuik :”Nan sabanae nan den sabuik an tu mah Le. Dak takana dek ang, dulu partamo nio ikuik pilkada ko, wee nio jalur independen. Dikecekan e partai ko dak ado nan batua ciek alah juo doh. Eeee ujuang-ujuang e jo partai juo wee maju! Kan samo jo manjilek ludah surang dang tu Le!”
Kale :”O iyo lo dak. Kalau calon nan nomor duo mandaftar baa lo manuruik ang tu Buik? Iko anak mudo nan santiang ko mah. Prestasi e sambuah!”
Abuik :”Dalang ang Le!”
Kale :”Kan iyo dang tu Buik. Gala master e je tigo. Tamaik sakola top je sadoe!”
Abuik :”Sinan andia e paja ko Le. Awak ngenek, pangkek lumayan tenggi. Disakola santiang lo. Roman gagah, bini ancak artis lo tu lai. Matoari jo bintang je nan alun didapek e lai tu nyeh!”
Kale :”A tu dima kanai e dek ang tu Buik?”
Abuik :”Kanai e ciek nyeh, dak pandai maagak bayang!”
Kale :”ELok-elok ngecek ang snek Buik!”
Abuik :”Cubo lah ang nilai Le. Samode tu karir e a, bukan dak mungkin wee bisa jadi panglima TNI. Tapi dek gagara sato jadi calon pimpinan ko, dicampakan e sadoe. Urang je baa kanio jadi tentara tu tu mah, kapan paralu manyogok gai!”
Kale :”Kok jadi baa dek ang Buik, tambah mangkilek karir e tu mah!”
Abuik :”Kok, lah tingga dek ayam Le. Arok buruang dilangik, katitiran ditangan balapehan namoe tu!”
Kale :”Dak tantu dek ang ko mah Buik. Iko strategi santiang abak e dang ko Buik. Abak e ahli strategi dang tu mah, pasti ado rencana lain nan labiah gadang nan dikaja e tu mah!”
Abuik :”Strategi cik balapuik. Iko nan namoe rakus jabatan. Tau e dak bisa sato lai, bakorbanan karir anak nan sadang diateh. Urang tuo mode a namoe tu, bamatian karir anak!”
Kale :”Sakuati ang lah Buik, tapi nan den caliak ha kok kalah na bisuak wee di pilkada ko, sakungkurange wee lah dikenal urang. Kecek urang panggaleh e, iko biaya promosie!”
Abuik :”Dak masuak tu doh Le. Samo jo bajudi tu mah!”
Kale :”Ha, kalau calon nan terakhir ko baa lo manuruik ang tu Buik? Wee profesor, mantan mentri jo rektor. Urang santiang apak ko ko!”
Abuik :”Santiang bana wee, tapi panjilek!”
Kale :”E..e..eh, cilako waang ko mah Buik. Sahebat tu apak tu ang sabuik panjilek!”
Abuik :”Dak takana dek waang lai Le, tiko pilpres dulu. Apak ko kan jubir presiden kini ko mah. Wee nan paliang kareh mangkritik lawan presiden kini ko. E kini malakok e jo lawan e dulu. Dijadian e lawan e dulu tu biduak e untuak sato mancalon. A namoe dek ang tu Le, dak panjilek tu. Demi dapek jabatan, amuah e mangorbanan idealisme e!”
Kale :”A yo paniang den ngecek jo waang ko nyoh Buik. Salah je sadoe, dak ado nan bana doh!”
Abuik :”Urang nan bana tu lai masih banyak mah Le, tapi dak ado partai nan namuah mambaok e doh. Sabab nilai jua e dak ado!”
Kale :”Jadi dia nan ancak manuruik ang nyeh Buik?”
Abuik :”Mukidi!”
Tabasuik galak pareman baduo ko jadie.

1 Comment

  1. Pas bsna


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s