Da Can Turun Pangkaik Jadi Wakia

Abuik :”Maleset jadie Le?”
Kale :”Apo nan maleset Buik?”
Abuik :”Da Can… Patang ko kabae ka diangkek baliak jadi mentri, rupoe turun pangkaik jadi wakia!”
Kale :”Kan senek maleset e tu nyeh!”
Abuik :”Senek baa kecek ang ko Le? Iko samo jo penghinaan dek ang ko mah!”
Kale :”Penghinaan baa pulo dek ang tu Buik. Mujua lai diangkek baliak tu, walau di posisi wakia. Mancaliak sabanyak ko urang nan managah presiden maangkek baliau baliak ha!”
Abuik :”Eee yayai yeh. Dima lo lah penghinaan dek ang tu Le. Dari posisi mentri jadi wakia! Samo jo mangecekan, waang dak bisa jadi mentri doh!”
Kale :”Itukan kecek ang jo tu nyoh Buik!”
Abuik :”Indak kecek den tu doh Le. Iko nan alun takilek alah takalam tu Le!”
Kale :”Tapi nan da Can ko kan indak maraso dihino doh mah. Bukti e ditarimoe posisi wakia tu!”
Abuik :”Den raso ado agenda lain ko mah Le. Da Can ko ka jadi kambiang itam e, sabab posisi mentri ESDM ko seksi sangaik. Bacirabuik urang nio di posisi tu. Anggaran e paliang banyak kabae!”
Kale :”Jan talampau jadi jauah na analisa ang tu Buik. Justru manuruik den da Can ko yo sabana santiang, karano tetap dibutuahan Presiden tanago e. Manggeser ka posisi wakia ko bisa sajo supayo urang jan eboh bana!”
Abuik :”Wakia ko dak ado kuaso e doh Le. Dak bisa mambuek keputusan. Samo jo indak nyoh. Ancak indak usah juo lai!”
Kale :”Cubo agak tanang waang bapikia senek Buik. Cubo ang kana-kana bana, sabalun ko ado dak wakia mentri ESDM ko?”
Tadiam si Abuik sabanta, nampak nyo bapikia kareh.
Abuik :”Dak tau den doh Le!”
Kale :”Sapangatahuan den, sabalun ko dak ado posisi wakia di kementrian ko ko doh Buik!”
Abuik :”Tu?”
Kale :”Dak tabaco dek ang mukasuik e tu doh Buik?”
Abuik :”Nan tau mukasuik e tantu urang nan punyo mukasuik! Kecek paja damam tu mah!”
Kale :”Kanciang ang mah Buik. Waden serius waang bagarah jo!”
Abuik :”Adih nah…adih nah… jadi a mukasuik e tu Le?”
Kale :”Aratie, tanago da Can ko memang paralu bana dek Presiden. Cuma bisa sajo banyak kekuatan lain nan dak nio da Can ko naiak baliak, makonyo dilatakan jadi wakia. Antah ka antah mentri nan ditunjuak kini ko sabanta lo umua e nyoh, kan naiak da Can liak dang tu Buik!”
Abuik :”Iyo lo yeh…!”
Kale :”A nan iyo dek ang! Tibo-tibo lah eboh jo waang. Caliak jelah kama arah e, baru bangih-bangih!”
Abuik :”Sakuati ang lah Le. Alun tantu lo batua kecek ang tadi tu tu doh!”
Kale :”Iyo, sabab nan tau artie iyo Presiden nyoh!”
Abuik :”Kanciiiiaaang!”
Kale :”Podo nah wak lu!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s