Gubernur Tersangka

Abuik : “Le, singgah lah lu, mandudu je nampak dek den a!”
Kale :”Santa Buik, den ado paralu ha!”
Basigageh je Kale lewaik di muko si Abuik takah urang binie ka malahiaan.
Tek Miah :”Ampo iduik ang kok dak ado si Kale yo Buik?”
Abuik :”Kecek Tek kambia iduik den, pakai ampo lo!”
Tek Miah :”Bato angek je sakali ko, etek kan bagarah nyeh mah!”
Abuik :”Suasana tu bana nan sadang angek kini ko Tek, apolai dek gagara gubernur DKI nan kini ko lah jadi tersangka lo ha!”
Tek Miah :”Tu apo lo hubungan waang jo gubernur tu? Sanak indak sakampuang indak. Malahan babeda sangaik. Paja tu sipik waang kaliang buntang!”
Abuik :”Bato Tek, balaluan je mah!”
Tarago Tek Miah mampagarahan si Abuik, tibo si Kale sambia maambuih-amnbuih takah urang sasak angok.
Abuik :”Dek a waang Le? Takah dikaja antu nampak dek den!”
Kale :”Ado aia putiah Tek? Awuih den lu ha!”
Sakali nonoh abih dek e aia sagalaih gadang.
Kale :”Waden mangaja kanakan den tadi tu mah Buik, hape e tatingga dumah den!”
Abuik :”Ooo, kecek den a na tadi tu!”
Kale :”Mujua lai takaja tadi tu. Talambek senek lai, dak taagiahan hape tu doh”
Tek Miah :”Ado juo mujua e yeh!”
Kale :”Iyo Tek. Cako sakileh eboh na ota nampak dek den, a ota tu Buik?”
Abuik :”Pakaro Gubernur DKI ko mah a. Lah tersangka lo e kini!”
Kale :”Ooo paja kaleren tu, ancak tu mah!”
Abuik :”Haa, baa kok ancak kecek ang Le?”
Kale :”Sajalaih tu paja tu malecehan agamo awak, tantu iyo rancak jadi tersangka e lai!”
Abuik :”Sekedar tersangka jo ma pangaruah e tu Le. Nan muncuang e tetap bisa bakotaik, sabab wee dak ditahan doh mah!”
Kale :”Jadi juo lah dek ang, pado dak jalaih statuih e!”
Abuik :”Batua, tapi paja tu ditahan nek e. Cubo lah caliak kasus nan lain, asa jadi tersangka langsuang ditahan!”
Kale :”Kecek polisi dak baa indak ditahan doh sabab paja tu indak ka melarikan diri gai doh. Indak ka mailangan barang bukti gai doh, tu ciek lai kooperatif lo”
Abuik :”Nan lain baa tu, tetap juo ditahan!”
Kale :”Sia contoh e?”
Abuik :”Tu mah contoh e nan dakek uda Irman Gusman”
Kale :”Oiyo dak!”
Abuik :”Yo babeda juo nampak dek den perlakuan ka paja ko Le. Baa dek kuaik tu bana wee tu?”
Kale :”Antah lah tu Buik, dak tantu lo dek den tu doh. Tapi iyo kuaik paja tu mah. Kok dak di demo 2 juta urang patang tu ha, lun tantu gai statuih e tersangka lai tu doh”
Abuik :”Ato pulo. Kini lah tersangka bana, tetap juo bisa kampanye!”
Kale :”Sabana tele dunia kini ko ko mah!”
Abuik :”Seharus e paja ko ditahan, tu dak buliah ikuik pilkada lai. Cubo jelah pikia, urang tersangka jadi calon gubernur, kok tapiliah wee ka jadi a nogari ko ko!”
Kale :”Urang nan mamiliah e nan dalang mah Buik. Sadang untuak mancari karajo je kini ko harus pakai surek kelakuan baiak. Iko lah tersangka bisa juo sato. Yo paniang den dek e mah Buik!”
Abuik :”Waden dak ka mamiliah paja tu gai bisuak doh!”
Kale :”Dalang ang Buik, KTP ang je dak KTP Jakarta gai doh!”
Abuik :”Iyo yeh, tabaok emosi lo den dek e”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s