Lai Ka Manang(guangan) Indonesia lawan Philipina Ko?

Kale :”Buik, dima ang manonton bola beko?”
Abuik :”Sia main?”
Kale :”Eee dak baco Koran cabiak ang ko doh Buik. Beko tu Indonesia lawan Philipina piala AFF mah!”
Abuik :”Dak lasuah doh Le. Lah ka jalaih je hasia e tu nyeh!”
Kale :”Dak buliah patah sumangek tu doh Buik!”
Abuik :”Bukan patah sumangaik Le. Iko kenyataan ko mah!”
Kale :”Dalang ang Buik. Alun main lah tantu je kalah dek ang!”
Abuik :”Baru sabtu patang den sabuik mah Le. Sabalun main den sabuik bahaso Indonesia kanai guluang dek Thailand ko mah. Kiro e baa? Tabukti kan!
Kale :”Oooo itu beda tu Buik. Thailand tu salamo ko memang labiah kuaik dari Timnas awak Buik. Dak lo bisa wak pungkiri tu doh!”
Abuik :”Batua Le, tapi patang tu dak rancak gai main Thailand tu tu doh. Wee kalatiahan sabab siap malawan Australia ampek hari sabalun e mah. Nampak je lamah e main Thailand tu tu nyoh. Tapi baa? Dak takao dek Timnas awak mangalahan e doh!”
Kale :”Dima nasionalisme waang ko Buik! Walau barek lawan nan ka dihadang Buik, nan Timnas awak ko harus disuport taruih. Indak dilamah-lamahan takah kecek ang tu doh Buik!”
Abuik :”Kama lo larie tu? Nasionalisme gai babaok rendong! Kalau lah andia tu yo andia Le. Harus wak akui tu!”
Kale :”Dima andia e Buik? Nan lawan beko sore tu Philipina dak Thailand doh!”
Abuik :”Waang nan indak mambaco Koran cabiak ko mah Le! Cubo lah ang baliak Koran cabiak ang tu, paringkek bara Timnas nan waang bangga-banggaan tu? Cubo bandiangan jo Philipina!”
Kale :”Kalau peringkek nan ang sabuik, yo harus diakui Timnas awak masih di bawah. Tapi permainan Timnas awak dak kalah jo Philipina tu doh Buik!”
Abuik :”Dek a waang ko Le? Coitu bana mambela Timnas. Dapek gaji lo ang dek PSSI ko dak?”
Kale :”Tele ang mah Buik. Mambedaan bangga jo pegawai PSSI je dak tantu dek ang doh!”
Abuik :”Aaaa yo lah paniang den dek e ko mah Le. Aden lo nan ang kecek an tele. Sajalaih tu waang nan mambabi buto mambela Timnas nan antah ka bara gol lo ditangguangan e beko tu!”
Kale :”Dak mode tu doh. Kalau mode ko juo diskusi awak, dak ka salasai sampai kiamaik ko doh. bataruah wak baa nyeh?”
Abuik :”Dak dalang ang tu a. Sajalaih tu bataruah tu dak buliah dek Ungku doh, kini ang ajak lo den bataruah!”
Kale :”Mukasuik den dak bataruah takah pasan Ungku tu doh. Awak kan samo-samo beda pandapaik tantang Timnas ko ko ha!”
Abuik :”Tu?”
Kale :”Waden tagak di Timnas, waang tagak di Philipina. Sia nan kalah mambayia teh talua. Nonton wak dikadai tek Miah rami-rami. Baa nyeh?”
Abuik :”Kan iyo itu nan bataruah tu tu Le!”
Kale :”Sakuati ang lah. Panek den ngecek jo ang mah!”
Abuik :”Tu manga ang mangecek. Waang nan mamulo tadi mah!”
Kale :”Kok ka nonton ang, kok ka indak, TASARAH! Nan jalaih beko tu waden nonton lamak di kadai tek Miah!”
Abuik :”Asih lo paneh gai Le. Kecekan jo lah beko tu waang ka mantraktir den minum teh talua! Amuah den tu mah!”
Kale :”Sakalamak dek paruik ang jo namoe tu. Sia nan kalah nah nan mambayia! Raso ati den lai manang Timnas awak malawan Philipina tu beko tu mah!”
Abuik :”Manangguangan amuah e nyeh! Waden dak ka sato-sato bataruah doh. Pi kok ang bayiaan teh talua den, pek lah!”
Tu manggalucuih jo Kale ko lai antah kama.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s