Kok Lai ka Loloih Timnas Indonesia Beko eh….

Kale :”Buik, beko Timnas wak main iduik mati tu mah. Nonton wak nah!”
Abuik :”Mati tu mah”
Kale :”Mati baa mukasuik ang ko Buik?”
Abuik :”Dak loloih gai Timnas tu tu doh!”
Kale :”Dak ang tu a, mamatahan sumangek urang je!”
Abuik :”Dima den mamatahan sumangek urang Le. Dak takana main lawan Philipina patang? Kan dak manang doh mah!”
Kale :”Batua Buik, tapi kan indak lo kalah doh mah!”
Abuik :”Samo je tu nyeh, main e buruak. Kok ka manonton juo pai jelah ang surang ka lapau Tek Miah. Ancak den manggaleh lai, jalaih lo pitih masuak!”
Kale :”Baa dek liga Eropa namuah waang manonton, tibo di Timnas bana dak amuah ang doh?”
Abuik :”Bukan dak namuah Le. Tapi Timnas nan kini ko maleh den caliak e. Bengak sangaik!”
Kale :”Beko tu lawan e Singapura mah Buik. Sajak patamuan e di piala AFF ko baru sakali Timnas awak manang lawan Singapura ko ko nyoh!”
Abuik :”Ha tuah, tambah malaih den nonton e tu mah!”
Kale :”Justru dek itu batambah sumangek nek e wak nonton e Buik. Iko ajang baleh dandam. Dicaliakan lo bahaso Timnas awak memang labiah rancak pado Singapura tu!”
Abuik :”Jago lah ang ko Le. Bamimpi ang komah! Kecek ang tadi salamo ko baru sakali manang e. Batambah tababan e main ko tu mah!”
Kale :”Kalau jo negatif mancaliak e tantu iyo mode tu jadi e Buik. Yakin den beko tu Timnas awak bisa manang. Dan baharok lo Philipina bisa dikalahan dek Thailand sahinggo bisa loloih ka babak semifinal”
Abuik :”Timnas kalapia a namoe tu, baharok tim urang kalah supayo awak loloih. Manggantuangan nasib ka urang ko dak batua ko doh Le. Cari bangih anduang den je ang mah!”
Kale :”Kok loloih Timnas wak ko baa?”
Abuik :”Indak gai loloih doh cek den. Dak ngarati baa waang ko!”
Kale :”Itu makoe den tanyoan, kok loloih beko baa? Lai amuah ang traktir den makan salamo saminggu?”
Abuik :”Dak tu a. Bataruah juo pangana ang tu!”
Kale :”Dak takah tu mukasuik den doh. Kok yo bana yakin ang jo pandapek ang, tantu barani ang mambali galeh den!”
Abuik :”Utak ang dak cegak ko doh Le. Antah apo-apo je nan ang pataruahan!”
Kale :”Tu tando takuik ang tu Buik. Dikandakan bana anggau. Kok didiaman waang bakotaik!”
Abuik :”Kanciang ang mah Le, waden lo ang kecekan takuik!”
Kale :”Jadi baa ko?”
Abuik :”Nan jalaih waden dak nio bataruah doh. Tapi kok bakandak juo ang, dih nah samo-samo manonton wak beko!”
Kale :”Mode tu nyeh? Dima lasuah e tu. Ado nah tantangan e!”
Abuik :”Apo ancak yeh, nan indak bataruah ujuang e?”
Kale :”Tasarah dek waang, nan jalaih waden tagak di Timnas Indonesia. Dan yakin den wee loloih ka semifinal!”
Abuik :”Waden dak maremehan Timnas awak doh. Indak lo tagak di Singapura doh, tapi waden ko urang e realistis!”
Kale :”Jadi baa ko, a tantangan e?”
Abuik :”Mode ko jelah, kok loloih Timnas ko beko, den perai manggaleh agak saminggu. Tapi kok dak loloih waang nan perai manggaleh lah!
Tadiam si Kale sabanta.
Kale :”Adih nah. Kito caliak lo beko sia nan santiang!”
Abuik :”Sip. Salam ciek lu!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s