Aksi 212

Kale :”Buik, pai ang demo bisuak?”
Abuik :”Iyolah, malu nah wak ka rang kampuang nyeh. Dari kampuang je kaba e 19 oto NPM nan tibo!”
Kale :”Itu dak Lillahita’ala namoe tu doh Buik. Dek gagara urang kampuang rami tibo awak tibo lo!”
Abuik :”Bukan itu Le, salain memang lah taniaik ditambah lo dek rami ko urang kampuang awak nan tibo, tu batambah sumangaik den ko!”
Kale :”Jo rombongan sia ang pai bisuak?”
Abuik :”Yo lun tau den doh Le. Baa tu?”
Kale :”Kok dapek pai bisuak tu terdaftar Buik. Bia gampang mangkoordinir e. Sarami tu umaik ha!”
Abuik :”Iyo lo yeh. Kama den ka mandaftar ko? Waang dima mandaftar?”
Kale :”Waden dek dak tantu tu makoe batanyo lo ka waang mah!”
Abuik :”Eeee kapunduang anyuik dek ang yeh. Kecek den lah tak yobana lo tadi tu!”
Kale :”Yo bana tu mah Buik. Waden nio bana ko sato a. Coitu agamo awak dilecehan dek cino kapia tu ha. Dak namuah den doh. Iko lo jalan jihad nan bisa dek den kini ko nyoh!”
Abuik :”Nan ang sabuik tu batua Le. Tapi baa caro mandaftar e tu?”
Kale :”Kan itu lah. Waden cari waang tadi tu, den sangko waang lah mandaftar. Pengurus musajik dakek rumah ang dak sato e Buik?”
Abuik :”Dak tantu dek den doh, tapi salamo ko yo haniang-haniang je nyeh. Dak ado kaba gai doh!”
Kale :”Mode ko jelah lu Buik. Bisuak awak sumbayang subuah di Mesjid Istiqlal. Disinan wak tanyoan ko. Tu ciek lai urang kampuang wak kan sambuah tu, kok sobok wak jo mereka tu gabuang je wak jo inyo. Baa gati?”
Abuik :”Cocok tu Le. Oiyo, tanyo den ciek. Bisuak tu pai demo atau baa ko? Kudian tadanga dek den indak demo doh, tapi doa basamo. Baa sanae ko?”
Kale :”Pemerintah tu dek takuik je tu nyeh, dipaaluih e bahasoe jadi doa basamo. Awak jan sampai tapangaruah lo dek itu Buik. Niaik awak pai mandemo paja kalapia tu ha, nan alah marandahan kitab suci awak. Badoa tu lah barang ka jaleh je tu nyeh. Tapi nan pantiang baa proses hukum ko bisa bajalan adia. Kok dapek ditahan nek e paja tu!”
Abuik :”Sasuai dek den tu Le. Bakakameh den jak kini lu nyeh. Sia tau bisuak ujan, dibaok jas ujan gai. Deposit pulsa dipanuahan!”
Kale :”Ka balaluan manggaleh gai bisuak tu?”
Abuik :”Ato pulo. Sakali marangkuah dayuang duo tigo pulau talampau i!”
Kale :”Eee bunduang dek ang yeh. Kok ka manggaleh waang sinan nyeh, ancak jan pai demo waang lai. Iko masalah aqidah ko Buik. Jan ang saratoan jo mancari rasaki. Rasaki wak ko lah jalaih ko nyeh!”
Abuik :”Antalah e kan mode tu je nyeh mah Le. Dima ado demo awak manggaleh nyeh mah. Bilo lo wak ka lapuak lapak lai.”
Kale :”Batua Buik, tapi nan sakali ko beda. Pi lah den sabuik tadi mah. Iko jihad. Jan ang campua aduakan tu ha. Kok iyo, ang peraian jo pulsa tu bisuak ancak bana tu mah!”
Abuik :”Kalamak dek ang jo mangecek. Rugi nah den nyeh!”
Kale :”Dima lo ka rugi e!”
Abuik :”Tu iyo nyeh dek ang. Perai namoe pulsa ko!”
Kale :”Dak manonton tepi ang ko Buik. Caliak lah jemaah nan dari Cimahi tu ha. Sapanjang jalan urang baragiah makanan. Itu lo caroe sato bajihad. Dak ciek juo mintak pitih tu doh!”
Abuik :”Yo iko kan pariuak nasi den mah Le. Ang kan tau mah!”
Kale :”Salamo ko ang manggaleh di rantau ko, lah bara banyak ang sadakahan harato ang tu di jalan Allah? Batanyo lo den ciek ka waang ha!”
Tamanuang si Abuik mandanga kecek kawan e ko. Raso kanai nganga patuih tangah hari e.
Abuik :”Lun talok dek den mameraian pulsa ko lai doh Le!”
Kale :”Kok alun talok, jan ang peraian tapi jan pulo ang galeh!”
Abuik :”Hmmmm!”
Kale :”Apo nan ang pikiaan? Nan jaleh rasaki ko paragiah Nan Kuaso. Kini bapikia lo ang untuak basidakah mambela agamo!”
Abuik :”Bukan itu Le, tapi…..!”
Kale :”Mode ko je lah. Kok Allah bakandak Buik a, bajadi tu mah. Abih bana deposit pulsa ang demi jalan Allah tu, pasti dibaleh balipek gando isuak tu mah. Lah lupo je ang jo kaji dulu tu!”
Abuik :”Adih nah. Den basidakah isuak. Den peraian sia nan nio maisi pulsa!”
Kale :”Tu iyo dang tu. Tapi ikhlas ang kan?”
Abuik :”Ikhlas lah. Kok dak ikhlas percuma je den tunggang tunggik sumbayang limo wakatu tu nyeh!”
Kale :”Kok iyo lai ikhlas, isian lah pulsa den gak 20 ibu ha!”
Abuik :”Mande ang Le. Iko mukasuik ang ceramah panjang leba tadi tu yeh!”
Kale :”Tapi ang ikhlas , iko untuak demo bisuak dek den mah!”
Abuik :”Untuak bisuak, bisuak lo dietong!”

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s