212 Dibandiangan 412

Kale :”Kopi paik 2 Tek?”
Tek Miah :”Untuak si Abuik ciek ko Le?”
Kale :”Iyo Tek!”
Tek Miah :”Nan untuak Abuik ko kudian je dibuekan dih Le, beko dingin dak lamak lai!”
Abuik :”Kini jelah Tek!”
Kale :”Panjang umua ang yeh!”
Abuik :”A cito pagi ko ko Le?”
Kale :”A juo lai kok dak aksi damai jo parade budaya patang ko!”
Abuik :”Tu yo masih angek-angek tu mah Le. Apolai banyak pulo nan mambandiangan kaduo aksi tu!”
Kale :”Mau tak mau pasti dibandiangan urang Buik. Baa ka indak, parade budaya diadoan duo hari sasudah aksi damai. Bantuak baleh dandam lai lo nampak dek den!”
Abuik :”Baleh dandam baa lo ko Le?”
Kale :”Masak dak arih lo ang tu Buik!”
Abuik :”Anti Ahok jo pandukuang Ahok lo ko?”
Kale :”Ato pulo. Kan jalaih je tu nyeh Buik. Aksi damai ko manuntuik supayo si Ahok ko ditahan. Tantu aksi sasudah tu mambela si Ahok ko lai!”
Abuik :”Iyo lo dak Le. Takana dek den nan hadir tiko 412 tu partai pangusuang Ahok dak?”
Kale :”Kan lai tantu dek ang tu nyeh!”
Abuik :”Tapi rasoe dulu si Ahok ko mambuek edaran bahaso dak buliah di acara Car Free Day tu banuansa politik doh. Baa dek patang tu bisa tu Le?”
Kale :”Kan itulah nan manjadi heboh. Tiko aksi damai ko ka diusuang, sadoe mahambek supayo gagal acara ko. Tu mah, oto nan ditompang dek urang kampuang awak diambek polisi gai di Lampuang. Kecek e bansaik na urang kampuang wak ko ko lah, tu mah di cater pesawat. Tapi pas acara parade budaya tu nan kebetulan pas lo di acara Car Free Day, murah je dapek ijin nyeh!”
Abuik :”Lah jalaih tu mah Le, pasti kuaik urang dilakang si Ahok ko ko mah. Kok dak baa dek coitu nan pamarentah mambela si Ahok ko!”
Kale :”Indak ang sabuik na, lah jalaih dek urang sabalik tu mah Buik. Cuman kini ko nan diusahoan, paja tu lah malecehan agamo awak, harus ditahan wee ko. Dak peduli gai awak jo partai pangusuang tu tu doh. KTP wak indak KTP Jakarta gai doh mah!”
Abuik :”Batua nan ang sabuik tu tu Le. Mandukuang bana den sakali ko!”
Kale :”Baliak wak ka cito samulo liak, tantang parade budaya ko. Kecek apak-apak nan santiang ko acara 412 ko mausuang budaya Nusantara. Untuak mampakuek raso nasionalisme. Tapi apo nan nampak? Urang nan indak babudaya je nampak dek den!”
Abuik :”Baa lo lague tu Le?”
Kale :”Partamo, salapeh acara 412 tu sarok dak basiagak baserak-serak sapanjang jalan. Lai babudaya namoe ko? Dibandiangan jo 212, jauah Buik. Tiko 212, taman barasiah dak ado nan mamijak, sarok dak ado nan baserak ciek juo padohal jumlah urang banyak sangaik. Dak manga-manga jo 412 tu tu doh”
Abuik :”Nan kaduo?”
Kale :”Tiko 212, dak ciek juo urang nan kakurangan makan. Sapanjang jalan banyak nan manyadioan makanan jo minuman gratis. Nan 412, bantuak anak TK. Baru mancaliak oto mambaok logistik tibo, bagaduru bacirabuik takah takuik dak dapek jatah je. Lai babudaya tu?”
Abuik :”Iyo…iyo…iyo. Tu apo lai Le?”
Kale :”Nan katigo, tiko 412 tu ado nan takanciang tagak. Samo jo binatang. Dima latak budaya e tu?”
Abuik :”Yo parah mah Le. Untuang den dak sato!”
Kale :”Ado lo niak ang ka sato tu Buik?”
Abuik :”Si Lepoh maajak den sato. Kecek e asa lai namuah tibo dapek pitih 500 ibu. Kan mayan dang tu Le!”
Kale :”Tu baa dak jadi ang sato?”
Abuik :”Takana dek den tiko aksi damai tu. Tiko tu waden jo ikhlas tibo, dak ado nan mamaso dan indak lo dionyok-onyokan jo pitih doh. Maraso badoso den kok tibo di acara hari minggu tu. Upoe batua kato hati den. Si Lepoh maupek e, arok pitih 500 ibu kinyoe kanai potong tingga je 50 ibu lai. Pas ka pulang kanai copet lo. Jan lai ka bauntuang, pitih nan ado anyuik nan kalai!”
Kale :”Nah, itu ciek lai. Dibayia mako ka sato parade. Lai babudaya namoe tu? Cari bangih anduang den je tu mah!”
Tek Miah :”Minum lah kopi ko dulu, lah dingin ma lamak lai!”
Sakatiko tu juo pareman baduo tu manduduik kopie.
Kale :”Raso den masih banyak kalakuan nan indak babudaya tu mah Buik. Yakin bana den, sabab urang tibo dek indak dari hati nurani e doh!”
Abuik :”Oooo patuik lah parade budaya namoe Le!”
Kale :”Baa dek bitu?”
Abuik :”Urang nan tibo diajaan budaya nasional, buliah sudah tu ngarati e a nan babudaya ko sanae!”
Kale :”Iyo lo dek ang tu mah!”
Abuik :”Oyo, takana dek den, sia sponsor e tu Le? Sasambuah tu umaik a!”
Kale :”Sia lo lai kok dak 9 nago tu!”
Abuik :”Elok-elok ang Le, asa manuduah urang je. Masuak kandang situmbin ang ko!”
Kale :”Iko lah elok-elok namoe ko mah!”
Tabasuik galak urang baduo tu sambia maabihan kopie. Sudah tu bagageh pareman tu manjojoan galeh masiang-masiang.

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s